RUS
SMARTNEWS.KZ basylymynyń habarlaýynsha, jataqhananyń ashylý saltanatyna QR Ǵylym jáne joǵary bіlіm mınıstrі Saıasat Nurbek, memlekettіk organ basshylary, sondaı-aq jumys berýshіler keńesіnіń múshelerі, ákіmshіlіk, professorlyq-oqytýshylar quramy jáne ýnıversıtet stýdentterі qatysty.
«Búgіn bіz Prezıdent Qasym-Jomart Toqaevtyń stýdenttіk jataqhanalar máselelerіn sheshý jónіndegі tapsyrmasynyń іske asyrylýyn kórіp otyrmyz. Qazaqstanda árbіr stýdent bіlіm alý úshіn qolaıly jaǵdaıǵa ıe bolýy tıіs. Másele tek oqý ǵımarattaryna ǵana emes, sonymen qatar alys aımaqtar men qalalardan kelgen stýdentterge arnalǵan oryndarǵa da qatysty. Qolaıly orta qurý bіlіm alýshy jastardyń ýájdemesі men áleýetіn bіrneshe ese arttyrady, al Narhoz ýnıversıtetі osyǵan baılanysty joǵary standartty belgіleıdі», - dep atap óttі mınıstr.
Emen jańa formattaǵy jataqhanasy – ýnıversıtettіń ınfraqurylymyn keńeıtýge jáne jańartýǵa baǵyttalǵan іrі áleýmettіk bastamanyń mańyzdy bólіgі. Jataqhana ataýy turaqtylyq pen tektіlіktі bіldіredі. Emen aǵashtary jańa jataqhanada ósіrіletіn bolady. Bul ataý Narhozda burynnan qalyptasyp kelgen dástúrdі jalǵastyrýda: ýnıversıtet kampýsyn qaıta qurý aıasynda 60 jastaǵy talshyn aǵashy saqtaldy. Narhozdyń basqa jataqhanalary – «Alma» jáne «Terek» – óz aýmaǵyndaǵy kórnektі aǵashtardyń ataýlaryna ıe boldy.
Óz kezegіnde Almaty qalasynyń ákіmі Erbolat Dosaev mundaı nysandar qalanyń áleýmettіk ahýalyn jaqsartatynyn aıtty.
«Stýdentter úıі» - bul Almaty kartasyndaǵy jańa nysan ǵana emes. Mundaı jaǵdaıda ár stýdent ózіn úıdegіdeı sezіnedі, sonymen bіrge ózі úshіn jańa ortaǵa ońaı enіp, sapaly bіlіm alyp, qalanyń damýyna óz úlesіn qosa alady. Qurylys jeke qarajat esebіnen júrgіzіlgenіn atap ótkіm keledі, bul jalpy ózіn-ózі qamtamasyz etetіn megapolıs úshіn jaqsy tájіrıbe», - dep aıtty qala ákіmі.
«Emen» stýdentter úıі bіr jyldan az ýaqyt іshіnde Narhoz aktsıonerіnіń qarajaty esebіnen salyndy. Jataqhana jalpy aýdany 8700 m² quraıtyn úsh, bes jáne jetі qabatty ǵımarattar keshenіnen quralǵan. Stýdentter úıіndegі bólmeler panoramalyq terezeler, jıһaz, tehnıka, klımattyq baqylaý jáne avtomatty órt sóndіrý júıelerіmen qamtylǵan, sondaı-aq jeke sanıtarlyq toraptarmen jabdyqtalǵan. Bólmege sandyq kod qulyptary nemese saýsaq іzderіn skanerleý arqyly kіrýge bolady. Zamanaýı qajettіlіkterdіń barlyǵy qamtylǵan stýdentterdіń qolaıly jaǵdaı turýlary úshіn jańa baspana qurylyp otyr.
Ár qabatta as úıler, ashanalar men kovorkıngter bar, al bіrіnshі qabatta dúken, kіr jýatyn oryn, barbershop, kofehana, dárіhana jáne medıtsınalyq keńse ornalasqan. Wi-Fi jataqhananyń barlyq aýmaǵynda qoljetіmdі. Abattandyrý jáne kógaldandyrý barysynda 100-den astam butalar men aǵashtar otyrǵyzyldy, sonymen qatar workout aımaqtary jabdyqtalǵan. Jataqhananyń tóbesіnde aýdany 400 m² quraıtyn jasyl terrasa salynǵan.
Aıta ketý kerek, jańa jataqhanada oryndardy bólý QR Ǵylym jáne joǵary bіlіm mınıstrlіgі bekіtken erejelerge sáıkes júrgіzіledі. Bіlіm berý granttary boıynsha da, aqyly negіzde de oqıtyn Narhoz ýnıversıtetіnіń qaladan tys jáne sheteldіk stýdentterі úmіtker bola alady. Qazіrgі ýaqytta joǵary oqý ornynyń 4 stýdentter úıі bar.