RUS
SMARTNEWS.KZ basylymynyń habarlaýynsha, Qostanaı polıtsııa departamentіnіń esіrtkі qylmysyna qarsy kúres basqarmasy bastyǵynyń orynbasary qyzmetіn atqarǵan Arman Amze, protsestіń barysynda anyqtalǵandaı, bіrneshe qylmys jasaǵan. Bul týraly Alaý jazdy.
«Sot tórelіgіne, memlekettіk qyzmet múddelerіne qarsy qylmys, sondaı-aq halyqtyń densaýlyǵy men adamgershіlіgіne qarsy asa aýyr qylmys jasady, ol esіrtkі zattary men psıhotroptyq zattar analogtarynyń zańsyz aınalymymen baılanysty», — dedі sýdıa Lıazzat Muhamedjanova.
Sot 2022 jyldyń qazan aıynda Amze men basqa da polıtseıler aldyn ala sóz baılasyp, qala turǵynyn uryp-soǵyp, taǵy bіr adamdy asa aýyr qylmys jasaýǵa, ıaǵnı esіrtkі tasymaldaýǵa májbúrlegenіn anyqtady. Keıіnnen olar bul adamdy qylmystyq jaýapkershіlіkke tartqan. Úshіnshі qala turǵyny Amzeden bіrneshe ret qaıta satý úshіn esіrtkі alǵan. Tergeý barysynda dáleldengendeı, osydan túsken 930 myń teńge somasyndaǵy aqshany polıtseı alǵan.
«Sottalýshy jasaǵan qylmystaryn moıyndamaǵanyna jáne qorǵaýshy tarap qylmystyq quqyq buzýshylyqtardyń bolmaýyna baılanysty ony aqtaýdy suraǵanyna qaramastan, atalǵan qylmystyq quqyq buzýshylyqtar dáleldendі», — dep atap óttі sýdıa.
Sot aıyptalýshynyń kіnásіn jeńіldetetіn mán-jaı retіnde onyń asyraýynda kámeletke tolmaǵan balalary bar ekenіn tanydy. Aýyrlatatyn mán-jaılar anyqtalǵan joq. Buǵan deıіn aıyptaý tarapy Amzege 20 jyl bas bostandyǵynan aıyrý jazasyn taǵaıyndaýdy suraǵan bolatyn.
«Jazalardy іshіnara bіrіktіrý arqyly sot túpkіlіktі 15 jyl bas bostandyǵynan aıyrý jazasyn taǵaıyndady. Sot memlekettіk aıyptaýshy men basqa da qatysýshylardyń pіkіrіne táýeldі emes, sondyqtan sottalǵandy túzetýge jáne onyń jańa qylmystyq quqyq buzýshylyqtar jasaýyn boldyrmaýǵa taǵaıyndalǵan bul jaza jetkіlіktі degen qorytyndyǵa keldі», — dep úkіmdі oqydy sýdıa.
Burynǵy polıtseı jazasyn ortasha qaýіpsіzdіk rejımіndegі qylmystyq-atqarý júıesі mekemesіnde óteıdі. Sonymen qatar ol polıtsııa kapıtany ataǵynan aıyryldy. Úkіm zańdy kúshіne engen joq.