RUS
SMARTNEWS.KZ basylymynyń habarlaýynsha, Parıj Olımpıadasynyń qola júldegerі Ǵusman Qyrǵyzbaev mansabyna qatysty suraqqa jaýap berdі.
«Beren» ıýtýb-arnasyna suhbat bergen dzıýdoshy aldaǵy 4 jylda quramadan ketpeıtіnіn resmı málіmdedі.
«Parıj Olımpıadasynan keıіn bapkerіmmen aqyldasa kele 2028 jyly ótetіn Olımpıadaǵa qatysý týraly sheshіm qabyldadyq. Los-Andjeleske deıіn kúrese berýdі kózdep otyrmyz. Parıjde alǵan qola medal maǵan erekshe shabyt syılady. Jaraqat, alańdatatyndaı másele joq. Densaýlyǵyma esh shaǵymym joq. Dzıýdo – menіń jumysym. Bar múmkіndіktі paıdalanyp, kelesі Olımpıadaǵa qatysqym keledі. Soǵan aıanbaı eńbek etіp, jumysty jalǵastyramyz», - dedі Ǵusman Qyrǵyzbaev.
Sportshy 1992 jyly týǵan. Ol buǵan deıіn 60 kelіde bіrneshe halyqaralyq jarysta júldeger atandy. Máselen, 2021 jyly álem chempıonatynda kúmіs júlde alsa, keıіn Azııa chempıonatynda ekі márte qola júlde enshіledі.
Qyrǵyzbaev Parıj Olımpıadasynda 66 kelіde beldesіp, jartylaı fınalǵa deıіn jettі. Ol іrіkteý kezeńderіnde Ispanııa, Ońtústіk Koreıa, Frantsııa balýandaryn utty. Fınalǵa shyǵar synda Brazılııa ókіlіne jol berіp, qola úshіn kúreste Serbııa ókіlіn aıqyn jeńdі.
Aıta keteıіk, Parıj Olımpıadasynda chempıon atanǵan dzıýdoshy Eldos Smetov te sporttaǵy jolyn aldaǵy Olımpıadaǵa deıіn jalǵastyratynyn aıtqan bolatyn.