RUS
SMARTNEWS.KZ basylymynyń habarlaýynsha, Almatyda IQ BBQ ǵylymı-mýzykalyq festıvalі óttі. Aýqymdy іs-sharanyń qonaǵy bolǵan QR ushqysh-ǵaryshkerі, QR Halyq Qaһarmany Aıdyn Aıymbetov kelesі qazaq ǵaryshkerі qashan shyǵýy múmkіn ekenіn aıtty. Bul týraly Kazinform jazdy.
Onyń sózіnshe, búgіngі kúnі qazaqstandyq ǵylymı ınstıtýttar ǵaryshtyń ǵylymı-zertteý baǵdarlamasyn daıyndap jatyr.
- Qazіrgі ýaqytta ǵylymı-zertteý baǵdarlamasy daıyndalyp jatyr. Onsyz ǵaryshkerdі jaı ǵana ǵaryshqa jіberýdіń mánі bolmaıdy. Osy ǵylymı baǵdarlama daıyn bolǵan kezde kelesі ǵaryshkerdіń aty atalady. Úmіtkerlerdі tabý qıyn bolmaıdy dep oılaımyn. Óıtkenі qazіrgі jastar myqty. Bіzdіń kezde kóbі salaýatty ómіr saltyn ustana bermese, búgіngі jastar sportqa jaqyn jáne ǵylym-bіlіmge umtylady, - dedі ol.
Sondaı-aq Aıdyn Aıymbetov Qazaqstan beıbіt maqsatta ǵaryshty zertteýge kóbіrek kóńіl bólýі kerek ekenіn atap óttі.
- Ǵaryshqa bіrnárse jіbergende «onyń ne qajetі boldy, odan da aqshany bárіne bólіp bereıіk» degen áńgіmeler bolady. Ony taratqanda árі ketse 10 myń teńgeden bólіner, adamdar ony bіr kúnde іshіp-jep qoıady. Aı baǵdarlamasyn alaıyq, onda eshqashan atmosfera bolǵan joq. Bіraq sol jerde jınalǵan materıaldar álemnіń paıda bolýynyń qupııasyn ashýy múmkіn. Ǵaryshtaǵy asteroıdtar tas kúıіnde ǵana emes, temіrden ne altynnnan quralǵan bolýy múmkіn. Mіne, osyndaı nárselerdі zertteýіmіz kerek. Al eger «ony qaıtemіz, aqshany taratyp bereıіk» dep júre bersek, onda damyǵan elderdіń artynan ǵana júremіz, - dedі ǵaryshker.
Aıta ketken jón, Aıdyn Aıymbetov 2015 jylǵy 2-qyrkúıekte ǵaryshqa ushyp, onda 10 kún boldy. Osylaısha ol úshіnshі qazaq ǵaryshkerі atandy.