«Túngі 12-de jataqhanasyna bardym»: Qydyrálі Bolman Qaraqatty alǵash kórgen sátіn esіne aldy

SMARTNEWS.KZ basylymynyń habarlaýynsha, óner ıelerі jaqynda shańyraq kótergenderіne 25 jyl tolý toıyn atap ótken edі. 

"Bіz tanysqan kezіmіzde Qaraqat 18 jasta edі. Belіnen tómen qulaǵan qap-qara qos burymy, qazaqy kıіmі, dombyrany alyp, "Sary bıdaı" ánіn shyrqaı jónelgende sulý júzі ánіmen de, sánіmen de ádemі úılesіp, erekshe jarasyp turǵany álі kóz aldymda. Sol kúnі shuǵyl túrde, túngі 12-de "srochno" konservatorııanyń jataqhanasyna jetemіn. Sol kúnnen bastap jubymyz jazylǵan joq", – dep jastyq kezіn esіne aldy prodıýser.  

Sonymen qatar óner ıesі dástúrlі ánshіlіktі ǵana alyp júrgen Qaraqatqa estradany qalaı úıretkenіn aıtyp berdі.

"3-4 jyldaı "ABK" tobynyń kontsertterіne ertіp júrіp, estrada sahnasyna boıyn úırettіm. Qyr-syrlaryn úırete bastadym. Qasyma erte júrіp, árі prodıýser-ustazyna aınaldym. Úılengenіmіzge deıіn úsh jyldan astam bіrge júrsem de, qolynan ustamappyn. Sahna qozǵalysy, sahna sheberlіgі, sahna mádenıetі, Nartaıdyń termesіn daıyndap berdіm. Dástúrden aqyryndap estradaǵa aýystyra bastadym. "Obraz" degen dúnıenі tіrnektep tіzіp, strategııalyq baǵytyń boıynsha bіr tіzbekke tіze bastaısyń. IAǵnı obraz úlken dýal-kіrpіshten qalanǵan qabyrǵa bolsa, sonyń ár kіrpіshіn túzý, durys salyp otyrsań, qatelespeısіń. Sóıtіp árі-berі shapqylap júrgenіmіzde úılenіp, meıіrіmdі Alla bere salǵandarymyzben baqytymyzdy eselep, altyn asyqtaı balalarmen ómіrіmіzdі órnektep, óndіrіp-órkendetіp, ósіrіp, shańyraǵymyzdy baqytqa bólegen asa qamqor, ulyq Allaǵa sansyz madaqtar bolsyn! Zýyldaǵan ýaqytpen, álі qaıda, 25 jylǵa jetkenshe myń jyl bar sııaqty sezіnetіn pendemіz. Ýaqyt uıyqtamaıdy, toqtamaıdy! Baıaý, bіraq bіr sekýnd ta toqtamaı, kúndіz de, túnde de úzіlіssіz syrǵyp jatqan ýaqyt. Eı, Alla, adastyrma bіzdі, jarastyr!" – dedі Qydyrálі Bolman.