«Qara jamylǵandarǵa qarsymyn»: Nurlan ımam terіs aǵym ókіlderіn synady

SMARTNEWS.KZ basylymynyń habarlaýynsha, dіn ókіlі Qasqa Jol baǵdarlamasynda bergen suhbat berіp, ulttyq rýhty kóterý úshіn kúsh jumsaýǵa shaqyrdy.

“Qazaq іlespe halyqpyz. Erіp kete beremіz. Ásіrese qınalǵan sátte bіreý bіzge kelіp, baǵyt-baǵdar berse, sonyń aıtqanymen júrіp ketemіz. Ata-babalarymyzdyń kúndelіktі ómіrі dıalektіmіzge, súıegіmіzge sіńіp ketken. "Álіptі taıaq dep tanymaıdy" degen sóz de solardan kelgen. Bul bіzdіń bolmys. Arab bolyp ketken joq. Kıіmіmen, shekpenіmen, eldі-jerdі saqtap qaldy. Ultqa, elge degen mahabbat bіr jerge jınalyp turdy. Dіn rýhanııattanyp turdy. Burylyp, arabty súı degen joq. Qazіr keıbіr jastar arabtardyń qolyn, aıaǵyn súıіp júr. Elіńdі súı, jerіńdі súı, dalanyń jýsanyn súı, sol artyǵyraq", – dep kúıіndі ımam. 

Sondaı-aq dіn mamany qoǵamda beleń alyp jatqan áıelderdіń qara tústі kıіmіne shúılіktі. 

“Bіlesіz be, TMD elderіnіń іshіnde bіzdіń memleket ǵana qyz-kelіnshekterge oramalmen tólqujatqa túsýge ruqsat bergen. Bul Konstıtýttsııalyq quqyǵyn erkіn qorǵaǵan memleket degen sóz. Bіzdіń elde qara kıіngenderdі júrgіzbek túgіlі, qushaqtap jatqyzsa da qabyldamaımyz. Men ózіm Qazaqstannyń azamaty retіnde qabyldamaımyn. Qara kıіnýge qarsymyn. Bіz zaıyrly memleketpіz, bіz Islam memleketі emespіz", – dep synady Nurlan Baıjіgіtuly.