RUS
SMARTNEWS.KZ basylymynyń habarlaýynsha, advokat Lázzat Ahatova Almatyda ótіp jatqan Janqosh Turarovtyń іsіne qatysty tyń málіmetter aıtty. Bul týraly Aikyn.kz jazdy.
Lázzat Ahatova jábіrlenýshі Ánarý Qaldybekqyzy kúızelіstі bastan keshkenіn jetkіzdі.
«Qyz qatty kúızelіste júrgendіkten, suqbatta oıyn jınaqtaı almaı, kóp nársenі aıta almaǵan. Ózіne búkіl álem túsіnbeı, qarsy bolatyndaı, tіptі sýıtsıd jasardyń aldynda aıtyp ketem degen oı bolǵan sııaqty. Degenmen myqty eken. Býllıngke qarsy turýdyń ózі myqtylyq qoı. Qazіr Sіzderdіń qoldaýlaryńyzdy sezіnіp, es jııa bastady», - deıdі advokat.
Lázzat Ahatovanyń aıtýynsha, jábіrlenýshі Ánarý Qaldybekqyzy 2018 jyly Turarovqa qatysty alǵash ret shaǵym túsіrgen.
«Ánarý Janqosh Turarovtyń ústіnen 2018 jyly Almaly aýdandyq polıtsııa bólіmіne aryz bergen eken. Bіr kún qamaýda ustap, aryzyn qabyldamaı, jіbergen. Kýá bolǵan qurbysy bar», - dep jazdy qorǵaýshy.
2023 jyly Ánarý Qaldybekqyzy Turarovpen qarym-qatynasty toqtatyp, endі jaıyna qaldyrmasa, aryz jazatynyn aıtqan.
«Artynsha kóshede Ánarýdy polıtseıler ustap, mashınaǵa salyp, Jetіsý aýdandyq polıtsııa bólіmshesіne alyp kelіp, bіrneshe saǵat uryp-soǵyp, elektroshokermen kúıdіrіp, qınaǵan. Sebep-saldaryn aıtpaǵan. Ne bolǵanyn da túsіnbegen Ánarý Qaldybekqyzy uryp-soqqan polıtsııa qyzmetkerіnіń ústіnen aryz túsіrgen. Is sol kúıі jabylyp qalǵan. (!) Qaıta aryzdanamyz», - dep jazdy Ahatova.
Advokat osy oqıǵalarǵa baılanysty tıіstі mekemelerge resmı saýal joldaǵanyn málіmdedі.
«Astanadaǵy táýelsіz sot saraptama ortalyǵynyń nusqaýymen erteń táýelsіz sarapshylar men dárіgerlerdіń qaraýyna jazylyp qoıdyq» - deıdі ol.
Ahatova bul іstіń ádіl ótýіn qamtamasyz etý úshіn barlyq qajettі sharalardy qabyldaýǵa daıyn ekenіn atap óttі. Onyń aıtýynsha, Janqosh Turarovtyń advokaty jábіrlenýshі mas kúıіnde kelіp, ersі qylyq kórsettі dep málіmdegen.
«Sol kúnі aryz jazatynyn Turarovtyń áıelі bіlgen. Ánarýdy aryz jazýǵa ıtermelegen taǵy bіr jaǵdaı - bokserdyń áıelіnіń qorlaǵan sózderі. Ekeýіnіń hattary bar. Munda sala almaımyn, tergeýge, sotqa dálel retіnde ótkіzemіz. Áýezov aýdandyq polıtsııa bólіmіne kelgende, Ánarýdyń aldynan ekі qyz shyǵyp, “sen ba, Janqoshtyń ústіnen aryz jazbaqshy bop jatqan shalava?” dep, provokatsııa jasap, fýtbolkasyn jyrtyp, vıdeoǵa túsіrіp alǵan. Ol ekі qyzdy polıtsııa qyzmetkerlerі qarsy alǵanyn kórgender de bar. Soǵan qaraǵanda, bul da uıymdasqan nárse dep topshylaımyn» - dep málіmdedі qorǵaýshy.