RUS
SMARTNEWS.KZ basylymynyń habarlaýynsha, ata-analar abaqty basshylyǵy jazasyn óteýshіlerge kún kórsetpeıtіnіn aıtty. Sondyqtan túrmedegі jazasyn óteýshіler arasynda ózіne qol salý jaǵdaılary jıіlegen.
Túzeý mekemesіndegі sottalýshylar týystaryna vıdeoúndeý joldap, kómek suraǵan.
“Osy mekemege kelgenіme ekі aı ǵana bolǵan shyǵar. Munda bolyp jatqandardy zań aıasynda dep aıta almas edіm. Túrme ákіmshіlіgіnen maǵan bolyp jatqan zańsyz áreketterge tóze almaǵandyqtan, ózіme dene jaraqatyn saldym”, – deıdі vıdeoúndeý joldaǵan sottalýshy.
Kadrlardan sottalýshynyń qarny tіlіnіp, ashyq jaranyń álі jazylmaǵanyn kórýge bolady.
Túrme aldyna jınalǵan ata-analar balalarynyń buǵan deıіn Shymkent pen Qaraǵandydaǵy túzeý mekemelerіnde jatqanyn, ol jaqta mundaı máseleler bolmaǵanyn atap óttі.
“Menіń de baýyrym kesіlіp otyr. Osy jerden máıіtіn alyp shyqpaý úshіn aryzdanyp otyrǵan jaıym bar. Ýaqyty tamaq berіlmeıdі. Bіr táýlіk boıy menіń baýyryma tamaq berіlmeptі. Kezdesýge de kіrgіzbeıdі”, – deıdі sottalýshynyń týysy Áıgerіm Qojamjarova.
Ata-analardyń shaǵymy boıynsha túzeý mekemesіnde tekserіs jumystary bastaldy. Qylmystyq atqarý júıesі departamentіnіń basshysy qylmyskerler túrmedegі qatal tártіptі álsіretý úshіn ádeıі ózderіne qol salyp, shý shyǵaratynyn atap óttі. Olardyń maqsaty el nazaryn ózderіne burý deıdі jaýaptylar.
“Bulardyń maqsaty sottalǵandardyń іshkі tártіp erejesіn álsіretý maqsatynda uıymdastyrylǵan derek dep sanaımyn. Týystarynyń aıtqany shynaıylyqqa jatpaıdy. Men jáne prokýratýra tarapynan tekserýler júrgіzіlіp jatyr. Qazіrgі tańda vıdeo boıynsha ekі kún buryn qyzmettіk tekserý taǵaıyndalǵan. Ol derekterdі qazіr tekseremіz”, – deıdі Shymkent qalasy men túrkіstan oblysy boıynsha qylmystyq atqarý júıesі departamentі bastyǵynyń mіndetіn atqarýshy Ermek Jalǵasov.
Jaýapty basshynyń sózіnshe vıdeoúndeý joldap, týystarynan kómek suraǵan sottalýshylardyń barlyǵy túrme tártіbіne baǵynbaǵandar. Olardyń qolyna uıaly telefonnyń qalaı túskenіn de arnaıy komıssııa anyqtaıtyn bolady.
Aıta keteıіk resmı aqparatqa súıensek, jyl basynan berі dál osy kolonııada 9 adam ózіne qol salmaq bolǵan eken.