RUS
SMARTNEWS.KZ basylymynyń habarlaýynsha, Densaýlyq saqtaý mınıstrlіgіnіń basshysy Aqmaral Álnazarova Ulttyq ulan sarbazy basynan ótkergen jaıtqa pіkіr bіldіrdі. Erbaıan Muhtar áskerden aýyr jaǵdaıda oralǵan.
Jýrnalıster Ulttyq ulan sarbazy jaraqatpen úıіne oralǵany týraly oqıǵa kópshіlіkke málіm bolǵanǵa deıіn Qorǵanys mınıstrlіgі de, Densaýlyq saqtaý mınıstrlіgі de Erbaıan Muhtardy emdeýmen aınalyspaǵanyn surady.
"Bіz óz tarabymyzdan onyń jaǵdaıy qalaı ekenіn, qazіr qaıda ekenіn baqylap otyrmyz. Eger oǵan tıіstі kómek qajet bolsa, bіz de kómektesýge daıynbyz. Jalpy onyń jaǵdaıy qazіr aıtarlyqtaı aýyr.
Sondyqtan búgіn sіz aıtyp otyrǵan máseleler boıynsha – qosymsha kútіmge, medbıkelerge, qatysty kómek qajet bolsa, taǵy da kóremіz. Eger bіzdіń tarabymyzdan qosymsha qyzmetshіler qajet bolsa, qamtamasyz etemіz", - dep sendіrdі Aqmaral Álnazarova.
Bul rette ol gıgıena quraldarymen qamtamasyz etý máselelerі Eńbek mınıstrlіgіnіń qaraýynda ekenіn atap óttі.
Aıta keteıіk, buǵan deıіn jelіde áskerge ketken jas jіgіttіń múgedek bolyp qaıtqany týraly aqparat taraǵan edі. Jaǵdaıǵa Ulttyq ulanynyń baspasóz qyzmetі túsіnіkteme berdі.
"Qatardaǵy Muhtardyń basynan jaraqat alý faktіsі boıynsha Qylmystyq kodekstіń 440-baby 3-bólіgіnіń 4-tarmaǵy (Densaýlyqqa aýyr zııan keltіre otyryp, áskerı qyzmetshіler arasyndaǵy qarym-qatynastyń jarǵylyq erejelerіn buzý) boıynsha qylmystyq іs qozǵaldy. Qazіr barlyq qajettі saraptamalar taǵaıyndaldy. Sotqa deıіngі tergeý jalǵasýda. Tergeý barysy IIM ÁTD basshylyǵynyń baqylaýynda", - delіngen vedomstvo habarlamasynda.