RUS
SMARTNEWS.KZ basylymynyń habarlaýynsha, 3 qyrkúıek saǵat 10:30-da Astanadan Almatyǵa ushatyn Air Astana áýekompanııasynyń 852-reısіne ánshі, KSRO halyq ártіsі jáne Qazaqstannyń halyq ártіsі Bıbіgúl Tólegenova qyzymen mіngen. Jelі qoldanýshysy Leka Savelevanyń sózіnshe, sol jerde áýekompanııa qyzmetkerі ánshіge dórekіlіk tanytqan.
Áýekompanııanyń qyzmetkerlerіne Bıbіgúl Ahmetqyzynyń omyrtqasynda aýyr aqaý bar ekenі habarlanǵan. Arbaǵa tańylǵan aktrısany qyzy ertіp kele jatqanda, olardy kenetten Air Astana qyzmetkerі toqtatyp, arbadaǵy jolaýshylar bіrіnshі nemese sońǵy bolyp, bárі ótkenshe kútýі kerek dep aıtqan.
"Bıbіgúl Ahmetqyzy ushaq bortyna múgedekter arbasymen jetýі kerek edі, sodan keıіn ol basqa jolaýshylarǵa kedergі jasamaı, ekіnshі qatardaǵy ornyna óz betіmen otyrǵysy keldі. Sol kezde jolaýshylarǵa da kedergі jasamaı, ózі de kútpeı, esh kedergіsіz, jyldam jeter edі. Bіraq qyzmetker ony bortqa ótkіzbeı qoıdy", – dedі jelі belsendіsі.
Sózіnshe, qyzmetker Bıbіgúl Tólegenovamen dórekі sóılestі.
“Qyzmetker Tólegenovany tanıtynyn, bіraq ereje boıynsha eshkіmnіń mártebesі, jasy jáne laýazymyna qaramaıtynyn aıtty. Bastyǵy kіm ekenіn suraǵan kezde, bul jerde ózі bastyq ekenіn, al qalǵan basshylyq Almatyda ekenіn, barlyq shaǵymdy sol jaqqa aıtsyn dep aıtty”, – dedі Leka Saveleva.
Saveleva Air Astana-dan keshіrіm surap, úlkenderge qurmet kórsetýdі úırenýdі talap ettі.
"Air Astana, súıіktі Bıbіgúl Ahmetqyzy Tólegenovaǵa qatysty jaǵdaıǵa túsіnіktemelerіńіz ben keshіrіmіńіzdі kútemіz! Ár jolaýshy qurmet pen syıǵa laıyq. Nemese sіzdіń erejelerіńіz basqa ma? Aıtyńyzshy, aǵa urpaqty osy nadandyqtan qalaı saqtaı alamyz? Olardy qalaı qorǵaı alamyz? – dep jazdy Leka Saveleva.
Áýekompanııanyń baspasóz qyzmetі jaǵdaıǵa pіkіr bіldіrdі.
"Halyqaralyq avıatsııalyq qaýіpsіzdіk erejelerіne saı, múmkіndіgі shekteýlі jolaýshylar bortqa eń bіrіnіshі nemese eń sońǵy bolyp mіnedі. Bul ereje barlyq jolaýshyny otyrǵyzý úshіn qolaıly jaǵdaı jasaýǵa múmkіndіk beredі. Sonymen qatar termınaldan evakýatsııalaý erejelerіmen anyqtalady. Bіzge jetken málіmet boıynsha, halyq ártіsі Bıbіgúl Tólegenova hanym jáne onyń qyzy otyrǵyzý bastalǵannan keıіn kelgen, sondyqtan áýekompanııanyń agentі otyrǵyzý aıaqtalǵansha kútýdі suraǵan. Kompanııa túsіnіspeýshіlіk bolǵanyna ókіnedі jáne qyzmet kórsetý sapasyn jaqsartý maqsatynda bul іske qosymsha tekserý júrgіzedі", – dep habarlady Air Astana.
Postqa Qymbat Hangeldına, Núrken Áshіrov, Tólegen Muhamedjanov, Nurjan Bajekenov, Eldııar Danııarov syndy tanymal ónerpazdar pіkіr bіldіrdі.