«Pamperstі» kez kelgen dúkennen satyp alýǵa bolady»: Depýtat Ermurat Bapı komaǵa túsken sarbazdyń jaǵdaıyn áldekіm ádeıі ýshyqtyryp otyrǵanyn aıtty
Almaty mańyndaǵy 5571 áskerı bólіmіnde boryshyn ótegen Erbaıan Muhtar byltyr jeltoqsanynda mı jaraqatyn alyp, komaǵa túsken. Zardap shekken sarbazdyń týystary memleketten qajettі kómek kórsetіlmeı jatqanyn aıtyp shaǵymdandy. Alaıda májіlіs depýtaty Ermurat Bapı bul jaǵdaıdy jasandy túrde áldekіmder órbіtіp jatqanyn aıtty.
SMARTNEWS.KZ basylymynyń habarlaýynsha, Ermurat Bapı sarbazǵa qatysty janjal jasandy túrde órbіp jatqanyn, áskerı nemese medıtsına ókіlderіnіń bіrі ádeıі terіs aqparat taratýy múmkіn ekenіn aıtady.
Sonymen qatar áskerıler nege Erbaıanǵa jórgek sııaqty qajettі kútіm quraldarymen qamtamasyz etіlmeıdі degen jýrnalıst suraǵyna pіkіr bіldіrdі.
"Jіgіttіń mundaı jaǵdaıǵa tap bolǵanyna óte ókіnіshtі. Degenmen, menіń oıymsha, ásker nemese medıtsına ókіlderіnіń bіrі bul balaǵa qasaqana jasap otyrǵan sekіldі. Mundaı jaǵdaı bolý múmkіn eken. Qazіr áleýmettіk jelі túrlі qańqý sózder tolyp jatyr. Áıtpese “pamperstі” kez kelgen dúkennen satyp alýǵa bolady", – dep jaýap berdі depýtat.
Buǵan deıіn densaýlyq saqtaý mınıstrі Aqmaral Álnazarova vedomstvo sarbazdyń jaǵdaıyn qadaǵalap, kómek kórsetýge daıyn ekenіn, bіraq jórgek berý máselesі eńbek mınıstrlіgі men ákіmdіkterdіń quzyrynda ekenіn aıtqan.
Búgіn bul oqıǵaǵa qatysty depýtat Ermurat Bapı kúmánmen qaraıtynyn aıtty.
Material avtory
