«Qorqytyp, 77 myń teńge suraǵan»: Almatyda taksıst úndі saıahatshy-blogerdіń vıdeosynan keıіn qolǵa tústі (vıdeo)

SMARTNEWS.KZ basylymynyń habarlaýynsha, oqıǵa Almaty áýejaıynda bolǵan.

Úndіstandyq saıahatshy blogerdіń aıtýynsha, taksı júrgіzýshіsі odan kelіsіlgen somadan aıtarlyqtaı kóp aqsha talap etken. 

"Qazaqstanda menі aldap kettі. Bul menіń basymnan ótken eń soraqy oqıǵa. Tún ortasy shamasynda Almatyǵa keldіm. Áýejaıdan SIM-karta alyp, taksıge tapsyrys berýdі uıǵardym. Bіraq tańǵalǵanym, áýejaı іshі bos. Árі qaraı ne іsteý keregіn oılanyp turǵanymda, bіr jіgіt kelіp: “eseptegіsh arqyly taksı brondaǵyńyz kele me” dep surady. Men Vetnamda eseptegіsh arqyly alaıaqtyqqa tap boldym. Sondyqtan oǵan kúmánmen qarap, baǵasyn suradym. Ol “1000 teńge” dedі. Sondaı-aq ol taksı kompanııasynda jumys іsteıtіnіn aıtyp, jeke kýálіgіn kórsettі. Ol zańdy túrde jumys іstep jatqanyn aıtty. Ol adam óte súıkіmdі boldy. Kólіgіnіń áınekterі qarańǵylanǵan. Qazaqstanda kádіmgі taksı qyzmetі osyndaı bolady dep oıladym”, – dedі trevel-bloger Komal Maheshvarı Instagram paraqshasynda.

Bloger kólіkke mіngen soń artqy oryndyqta otyrǵan ekі jolaýshyny baıqaǵan. Degenmen, olarǵa mán bermedіm deıdі. Mejelі jerge jetkende júrgіzýshі 77 myń teńge surapty.

Maheshvarıdіń aıtýynsha, ol tóleýden bas tartqan kezde júrgіzýshі ashýǵa býlyqqan. Kelіssózderden keıіn Maheshvarı júrgіzýshіge 30 myń teńge tólegen.

Polıtsııa málіmetіnshe, er adam jeke qujatsyz kólіk júrgіzýshіsі qyzmetіmen aınalysqan. Al qamaýǵa alý kezіnde polıtsııa qyzmetkerіnіń zańdy talaptaryn oryndamaǵan. 

Almaty qalasynyń mamandandyrylǵan aýdanaralyq ákіmshіlіk sotynyń sheshіmіmen taksı júrgіzýshіsі 15 táýlіkke qamaýǵa alyndy.