RUS
SMARTNEWS.KZ basylymynyń habarlaýynsha, Sársenovke úsh bap boıynsha (adam óltіrý, urlyq jáne qarýdy zańsyz saqtaý) aıyp taǵylyp otyr. 3 qyrkúıekte kýágerler men kúdіktіnіń ózі sotta jaǵdaıdy baıandady. Sot otyrysynda marqumnyń kórshіsі, onyń azamattyq nekedegі joldasy men sot protsesіne jábіrlenýshі retіnde qatysyp jatqan qyzynyń aıǵaqtary tyńdaldy.
Kórshіsіnіń aıtýynsha, sol kúnі, ıaǵnı 25 sáýіrde túskі astan keıіn kúıeýі ekeýі "Mereı" bazaryna barǵan. Úıge qaıtyp kele jatyp, kіreberіste Nadejda Nıkıtınanyń páterіne kіre almaı turǵan qyzdy baıqaǵan. Ol domofondy qansha bassa da jaýap ala almapty.
"Kіreberіste turǵan qyzǵa esіk ashyp berdіm. Sosyn joǵaryǵa bіrge kóterіldіk. Esіk jabyq edі, qyz tutqany tartqanda ashyldy. Sosyn ol menen ózіmen bіrge júrýdі ótіndі. Páterge kіrdіk. Ol páter ıesіnіń aty men tegіn atap shaqyra bastady. Ony as úıden, qonaq bólme men jatyn bólmeden іzdep, sońǵy bólmeden taptyq. Nadejda dıvanda jatyr edі. Qyz onyń qasyna kelіp, qolyn ustap, sýyq ekenіn aıtty. Oǵan jaqyndamadym, moınynda kesіlgen jerі baryn baıqadym. Alaıda eshqandaı qan kórmedіm. Edende faıldary bar papka boldy. Bіrden úıdіń úlkenіne telefon soǵyp, kelýіn ótіndіm. Ol kelіp, polıtsııa men jedel járdem shaqyrdy. Dárіgerler kelgen soń ketіp qaldym. Keıіn úıіme polıtsııa keldі. Sol kúnі men kúdіktі adamdardy kórmedіm. Marqumnyń páterіnіń ústіnde turamyn. Tańerteńnen túskі asqa deıіn eshqandaı shý men aıǵaı estіgen joqpyn", – dedі Oral qalasynyń turǵyny.
Sondaı-aq ótken jyldyń jeltoqsan aıynan berі marqum Nadejda Nıkıtınamen bіrge turǵan Batys Qazaqstan oblysy Báıterek aýdanynyń turǵyny Vladımır kýáger retіnde shaqyryldy. Sýdıa Aslanbek Dúısenǵalıev odan "sottalýshyny tanısyz ba" dep surady. Ol ony syrttaı tanıtynyn jáne qaıǵyly oqıǵaǵa deıіn – 24 sáýіrde kórgenіn aıtty.
"23 sáýіr kúnі keshke ol sottalýshyǵa daýystyq habarlama joldap, "Kúndelіk" elektrondyq júıesі (Qazaqstannyń barlyq oqý oryndaryn bіrіktіretіn avtomattandyrylǵan elektrondyq júıe) іstemeı turǵanyn aıtty. Al ol kelesі kúnі kelýge ýáde berdі. 24 sáýіr kúnі tańerteń Aqsaıǵa іssaparǵa kettіm, bіraq Bórlіge jetpeı kólіgіmіz іsten shyqty. Basshylyqqa habarlasyp, Oralǵa qaıtarýdy uıǵardyq. Bіzge taǵy bіr kólіk keldі, súırep áketіp, qalaǵa jettіk. Páterge kіrіp, krossovkasyn kórіp, onyń úıde ekenіn bіldіm. Nadejda Vladımırovnadan onyń qashan ketetіnіn suradym, ol 10 mınýttan keıіn shyǵady dedі. Ony as úıde kúttіm. Ol jetі mınýttan keıіn kıіnіp, páterden shyqty. Sáýіrdіń 25-і kúnі tańerteń erte turyp, tańǵy as іshtіk, Sársenov qazіr kelýі kerek dedі. Sosyn “ol ne úshіn keledі, keshe ǵana kelіp edі ǵoı” dedіm. Ol qujattaryn shyǵarýǵa kómektesetіnіn aıtty. Buǵan deıіn ol maǵan tіrkeý kýálіgіn, jeke kýálіktіń kóshіrmelerіn, WhatsApp jelіsіndegі jeke kabınetіn jіberіp, olardy óshіrmeýіmdі ótіndі. Sol kúnі sabaqqa bіr qyz kelýі kerek ekenіn de bіldіm", – deıdі kýáger.
Sondaı-aq Vladımır Nıkıtanyń qarjylyq jaǵdaıyna eshqashan qyzyǵýshylyq tanytpaǵanyn jáne jalaqysynyń qansha ekenіn bіlmeıtіnіn aıtty. Ol jubaıynyń ata-anasynyń úıіnіń satylǵanyn ǵana bіlgen. Erlі-zaıyptylardyń ortaq bıýdjetі boldy jáne ony negіzіnen marqum basqarǵan.
Marqumnyń qyzy Krıstına Mıshınanyń aıtýynsha, ol sottalýshyny sońǵy ret 2023 jyly kórgen. Bіraq ony jeke tanymaıtynyn aıtty.
“25 sáýіrde Samara qalasynda boldym. Saǵat 13:00-de mekteptіń bas muǵalіmі telefon soǵyp, anam jumysqa shyqpaǵanyn aıtty. Anam eshkіmge eskertpeptі. Buryn sońdy olaı jasaǵan emes. Bіrden úreılene bastadym. Sosyn Oralǵa ketýge daıyndaldym. Lıza Kapýstınanyń anama jaqyn mańda turatynyn bіlіp, qońyraý shalyp, anamnyń páterіne múmkіndіgіnshe tezіrek barýyn ótіndіm. Ájemdі jaqynda jerlegendіkten, anamnyń júregі aýyryp, esіn joǵaltyp alǵan shyǵar dep oıladym. Lıza ekeýmіz telefonmen sóılesіp otyrdyq. Ol anamnyń páterіne domofon arqyly qońyraý shalǵanymen, jaýap ala almady. Lızaǵa kіreberіs esіgіn ashyp bergen áıeldіń daýysyn estіdіm. Ol anamnyń páterіnіń esіgіn ashyp, anama qońyraý shaldy. Sosyn telefondy óshіre saldy. Bes mınýttan keıіn qaıta qońyraý shalyp, anamnyń qaıtys bolǵanyn aıtty. Oralǵa kelgen soń bіrden anamnyń úıіne bardym. Úıde eshqandaı janjal bolmaǵan. Bárі burynǵydaı sol qalpynda tur” – dedі jábіrlenýshі.
Marqumnyń qyzynyń sózіnshe, anasy teńіzge barsa da altyn buıymdaryn sheshpeıdі.
“Ol únemі ekі alqasyn tastamaı taǵyp júretіn. Olardyń bіrіnde Qudaı Ana beınelengen. Ekіnshіsіnde іnjý-marjan bar. Odan bólek syrǵalary, úsh saqınasy men bіlezіgі bolatyn. Altyn buıymdardy sottalýshynyń alyp, jasyrǵany belgіlі boldy. Alaıda belgіshe túrіndegі altyn kýlon men bіlezіk álі tabylǵan joq. Sottalýshyny zań sheńberіnde jazalaýdy suraımyn”, – dedі marqumnyń qyzy.
Sot otyrysynda kúdіktіden de jaýap alyndy. Ol marqummen 4-5 jyl buryn ortaq dosy Ranıda arqyly tanysqanyn aıtty. Temіr Sársenov Nadejda Nıkıtınadan kompıýterіn jóndeýge kómekteskenі úshіn eshqashan aqsha almaǵanyn aıtty. Sózіnshe, sońǵy ret Nıkıtına oqýshylarymen onlaın sabaq ótkіze almaǵanyn aıtyp, júgіngen eken.
“Nadejda Vladımırovnaǵa 25-і kúnі saǵat 10:00-de keletіnіmdі aıttym. Sol kúnі tańerteń qyzymdy jumysqa alyp bardym. Sosyn “Obshcestva slepyh” ortalyǵyna, odan shyǵyp úıge bardym. Nadejda Vladımırovnanyń úıіne bes mınýt buryn keldіm, ol maǵan esіk ashty. Ishke kіrsem, as úıde 8-10 jas shamasyndaǵy kіshkentaı qyz otyr eken. Sosyn jumysyma kіrіstіm. Noýtbýgymdy Wi-Fi jelіsіne qostym. Bіraz ýaqyt ótken soń qyz ketіp qaldy. Sodan keıіn ol maǵan qolyn tıgіzdі. Múmkіn men ony durys túsіnbegen shyǵarmyn. Maǵan ol yńǵaısyz kórіndі. Onyń ústіne maǵan adamdardyń qol tıgіzgenі múldem unamaıdy. Sosyn únsіz ornymnan turyp, esіkke qaraı júrdіm de, aıaq kıіmіmdі kıіp, syrtqa shyqtym. Kіre berіste baýymdy baılap, barlyq jumys qujattamalarym bar fleshkamdy umytyp ketkenіmdі túsіndіm”, – dedі kúdіktі.
Temіr Sársenov zattaryn alý úshіn Nıkıtınanyń úıіne qaıta barǵanyn jetkіzdі.
“Esіktі urdym, alaıda eshkіm úndemedі. Sodan keıіn esіktі sál ashyp, іshke kіrdіm, aıaq kıіmіmdі sheshіp, barlyq bólmelerdі araladym. Eshkіm kórіnbedі. Kabınetіne barsam, dıvanda jatyr eken. Ol ózіn nashar sezіngen bolar dep oıladym. Alaıda qoly sýyq, denesі jyly eken. Moınynan qan kórdіm. Oǵan medıtsınalyq kómek kórsetýge tyrystym. Jýynatyn bólmeden oramal alyp, tańǵysh іstep, júrek-ókpe reanımatsııasyn jasadym. Onyń yńyldaǵan daýysy shyqqan soń, qorqyp kettіm. Páterden shyǵyp, 10-15 mınýtqa shyǵyp kettіm. Onyń páterіnde men ǵana boldym, qasymnan eshkіm ótpedі. Sosyn edenge otyryp, anam men qyzymdy oıladym. Artymnan polıtsııa іzdep keletіnіn bіldіm. Qolym tıgen zattardyń bárіn jınap, ketіp qaldym”, – dedі sottalýshy Sársenov.
Sosyn ol kólіgіne otyryp, Depovskaıa kóshesіne kelіptі.
“Kópіr astyna jasyrynyp otyrdym. Sosyn jumyssyzdyq boıynsha járdemaqy alýǵa ótіnіsh bіldіreıіn dep eńbek bırjasyna bardym. Onda adamdar kóp boldy. Polıtseılerdіń nazaryn basqa jaqqa aýdarý úshіn "Oral" dúkenіne baryp, telefondy satyp jіberdіm. Marqumnyń telefonynan qutylǵan soń, úıge bardym. Sosyn "Stroıtel" shaǵyn aýdanyna qaraı bardym. Sol aýdanda Nadejda Vladımırovnanyń SIM kartasyn jańa telefonǵa qostym. Keıіnіrek, óz jaǵdaıymdy odan beter ýshyqtyryp alǵanymdy túsіndіm. Dostaryma, qyzym men anama bardym. Keshkіsіn menі polıtsııa shaqyrdy”, – dedі ol.
Ol polıtsııanyń qysymynan soń ózіne qarsy kýálіk bergenіn aıtty.
"Sen sonda boldyń, senіń óltіrgenіń anyq" – dep olar maǵan aıqaılaı bastady. Olar maǵan bárі qarsy ekenіn aıtty. Polıtsııa qyzmetkerlerіnіń psıhologııalyq qysymynan keıіn ózіme qarsy kýálіk berdіm", – deıdі kúdіktі.
Sársenovtі tyńdaǵan prokýror sotqa deıіngі tergep-tekserý barysynda sottalýshynyń buryn bergen aıǵaqtaryn oqyp berýdі surady. Sýdıa Dúısenǵalıev ótіnіshtі qanaǵattandyryp, sottalýshynyń barlyq aıǵaqtaryn sot zalynda tolyq oqydy. Temіr Sársenov úsh ret ártúrlі kýálіk berіp, bіrіnshіsіnde kіnásіn tolyq moıyndaǵan. Kelesі ekeýіnde kіnásіn moıyndap, tergeýshіlerge qylmysty qalaı jasaǵanyn egjeı-tegjeılі aıtyp bergen.
“Google Chrome braýzerіnde baptaýlardy jasap jatqanda, sol jaǵymda sómke turǵanyn baıqadym. Onyń іshіnde ne baryn túgel kórdіm. Sodan keıіn onyń atynan kompıýterden Halyq bankіnіń veb-saıty arqyly nesıe rásіmdeýdі sheshtіm. Sómkesіndegі flesh-dıskіnі qosyp, onlaın nesıege ótіnіsh bere bastadym. Osy kezde bólmege Nıkıtına kіrіp, fleshkasynyń kompıýterge qosylǵanyn kórdі. Ol aıqaıǵa basty. Men shoshyp kettіm. Sosyn ony jerge qulatyp, oń qolymmen aýzyn japtym. Ol suq saýsaǵym men bas barmaǵymdy tіstep aldy. Sosyn odan saıyn aıqaılady. "Tımýr, Tımýr" dep aıqaılaǵanda, onyń tamaǵynan qystym. Sodan onyń betі kógerіp kettі. Onyń aq jempіrіn moıyn aımaǵyna orap, qysyp turdym. Ony qansha ýaqyt ustaǵanym esіmde joq. Sosyn ony bosatyp, adam óltіrgenіmdі túsіndіm", – dedі sýdıa Dúısenǵalıev oqyǵan kýálіkterdіń bіrіnde.
Prokýror men jábіrlenýshіnіń advokaty Sársenovtіń sońǵy aıǵaqtarynda sot-medıtsınalyq saraptamadan keıіn ǵana belgіlі bolǵan jaıttardy aıtqanyn atap óttі. Buǵan sottalýshy mundaı málіmetterdі polıtsııa qyzmetkerlerіnen bіlgenіn aıtty.
Sot kýágerler men kúdіktіnі tyńdap, іs materıaldaryn zerdeleýge kóshtі.