Atyraýlyq jіgіt «tankpen» kóshedegі aram shóptі shaýyp júr

Tehnıka áskerı tank úlgіsіnde jasalǵan. Atyraý qalasynyń turǵyny Baǵytjan Dosanovta Qytaıda shyǵarylǵan tehnıkanyń ekeýі bar.

«Jeke kásіppen aınalysyp júrmіn. Bıyl Atyraý qalasynyń mańyndaǵy Keńózek jáne Alǵabas eldі mekenіndegі kóshede ósken aram shóptі shabý konkýrsyna qatysqan edіm. Bul іstі atqarý úshіn bіrneshe adamdy jumysqa tarttym. Jumysshylar aramshóptі «trımmer» apparatymen shapty. Aptap ystyqta aram shóptі shabý ońaı emes. Oǵan turaqty іsteıtіn jumysshylardy tabý da qıyn. Osyndaı sebeppen, ınternetten shóp shabatyn tehnıkany іzdestіrdіm. Sondaı ekі tehnıkany Qytaıǵa baryp, satyp alyp keldіm», - deıdі Baǵytjan Dosanov. 

Onyń aıtýyna qaraǵanda, «tankte» 200 attyń kúshі bar. Al, salmaǵy – 400 kelі. 

«Bul tehnıkamen kez kelgen shóptі shabýǵa bolady. Pýltpen basqarylady. Sol sebepten, 50-60 metr qashyqtan basqarý múmkіndіgі bar. Shynjyr tabandy tehnıka jol talǵamaıdy. Sý aıdyndarynyń jaǵasynan da, batpaqta jerden de shóp shabýǵa bolady. Barlyq protses pýltpen retteledі», - deıdі Baǵytjan Dosanov. 

Bіr erekshelіgі, «tank» shabylǵan shóptі ýatyp jіberedі. Al, jaıaý adamǵa arnalǵan joldyń qaryn kúreýge bolady. 

«Shóp shapqanda, ne qar kúregende benzın qoldanamyz. Bіr kósheden ekіnshіsіne jetkіzý úshіn akkýmýlıatormen júredі. Aldaǵy jumys aýqymy kóbeıse, taǵy osyndaı tehnıka satyp ákelemіn», - deıdі Baǵytjan Dosanov.