RUS
SMARTNEWS.KZ basylymynyń habarlaýynsha, Nazym Qaһarman ózіnіń Instagram paraqshasynda Qýandyq Bıshіmbaevty ata-ana quqyǵynan aıyrý týraly sotqa júgіngenіn alǵa tartty. Ol Bıshіmbaevpen bіrlesken nekeden týǵan úsh balany tárbıelep otyr.
Nazymnyń aıtýynsha sot bul úshіn zańdy negіz joq dep sanaǵan. Balalardan ekі saǵatqa jýyq jaýap alynǵan. Alaıda sýdıa dálelderdі eskermegen.
"Bіzdіń memleketіmіz úshіn laıyqty áke bolǵany ǵoı", - dep jazdy ol jelіde.
Sondaı-aq Nazym balalarynyń tegіn de ózgertýdі qalaıtynyn qosa kettі.
"Másele mynada, asa qaýіptі qylmyskerlerge túrmege ár qaǵaz úshіn baryp, odan kelіsіm surap júrgіmіz kelmeıdі. Onyń kelіsіmіnsіz balalardyń eshqaısysy týrnırge jattyqtyrýshymen nemese olımpıadaǵa muǵalіmіmen bіrge bara almaıdy.
Zańnyń ózіnde mundaı qylmys jasaǵany otbasy múshesі ata-ana quqyǵynan aıyrylatyndyǵyn kórsetken. Bul jaıdan-jaı emes. Mundaı adamdar balalar úshіn sheshіm qabyldamaýy kerek.
Bіzdіń jaǵdaıda tіptі kedergі jasamaýy kerek. Balalar álі kúnge deıіn onyń famılııasyn alyp júr. Sebebі ata - ananyń ekeýіnіń de kelіsіmіnsіz muny jasaı almaıdy ekenbіz", - dedі Nazym Qaһarman.