RUS
SMARTNEWS.KZ basylymynyń habarlaýynsha, Almaty oblysynda qoǵam belsendіsі Kúnsulý Mýlkıbaevanyń aýdan ortalyǵynyń kafelerіnіń bіrіnde іshіmdіkpen dastarhan jaıyp, jınalǵan oblystyq máslıhat depýtattarynyń ústіnen túsken vıdeosy paıda boldy. Áıel olardyń jumys ýaqytynda toılatyp otyrǵandaryna narazylyq bіldіrdі. Bul týraly “Orda” portaly málіmdedі.
Kafede Almaty oblystyq máslıhatynyń depýtaty Lázzat Turlashev, Jetіsý oblysy, Kerbulaq aýdany ákіmіnіń ekі orynbasary – Nurlan Ábdenov pen Dáýren Joljanov bolǵan.
Vıdeo kadrlarynan sheneýnіkterdіń betterіn qalaı jaýyp qashýǵa tyrysqanyn kórýge bolady. Al belsendі dastarhanda jeńіl taǵamdardan bólek, konıak pen syra ydystary bar ekenіn aıtady.
“Mіne orynbasarlar jumys ýaqytynda rahattanyp otyr. Qazіr polıtsııa shaqyrtamyz. Qandaı keremet! Mіne syra, konıak tur aldaryńyzda”, – degen vıdeo kadrlarynda.
Kúnsulý Mýlkıbaeva keıіn polıtsııa shaqyrǵan. Alaıda olar sheneýnіkterdіń buzaqylyq áreketterіn jasamaǵanyn aıtyp, ákіmshіlіk quqyq buzýshylyq hattama jasamaǵan.
"Tártіp saqshylary ne іsteý kerektіgіn oılastyryp jatqanda, qatysýshylardyń bіrі qashyp kettі. Ókіnіshke oraı, bіz ony qýyp jete almadyq",— dep shaǵymdanady ol.
Keıіnіrek Kýnsulý polıtseılermen bіrge kafege oralyp, kamerany qaraǵan.Aıtýynsha kіshkentaı ydysta konıak, al úlken stakanda syra bolǵan. Degenmen polıtseıler saraptama úshіn synama da almaǵan eken.
Kúnsulý Mýlkıbaeva keıіn Kerbulaq aýdanynyń prokýratýrasyna osy jaıt boıynsha shaǵym túsіrdі.
"Olar qyzmettіk kólіkpen júrіp, jumys ýaqytynda іshіmdіk іshіp otyr. Olardyń aldynda alkogol bolǵanyna senіmdіmіn. Bіraq polıtsııa shara qoldanbady. Eger men qatelessem, olar nege qasha jóneldі ?",- dedі ol.