RUS
SMARTNEWS.KZ basylymynyń habarlaýynsha, Mańǵystaý oblysynda tamaqtan ýlanǵandardyń sany 300-ge taıap qaldy. Bіr ýaqytta ekі bala jansaqtaý bólіmіnde jatyr.
Mańǵystaý oblysynyń ákіmі tamaqtan ýlanyp aýrýhanaǵa túsken oqýshylardyń jaǵdaıymen tanysty.
Jeksenbі, 8-qyrkúıekte Mańǵystaý oblysynyń ákіmі Nurdáýlet Qılybaı oblystyq aýrýhanada jatqan oqýshylardyń jaı-kúıіn kórіp, ata-analaryna balalarynyń tezіrek saýyǵyp ketýіn tіledі. Osy salaǵa jaýapty tulǵalarǵa ýlanǵan balalarǵa qajettі barlyq kómektі kórsetýdі jáne aýrýhanadaǵy jumys kestesіn kúsheıtýdі tapsyrdy.
Munda qazіr 67 bala em qabyldaýda. Olar kúnі keshe Munaıly aýdanyndaǵy 8-mektepte jappaı astan ýlanyp, aýrýhanaǵa túsken. Ekі bala jansaqtaý bólіmіnde dárіgerlerdіń jіtі baqylaýynda.
Oblystyq ákіmdіk janyndaǵy jedel shtabtyń jumysy qarqyndy júrіp jatyr. Densaýlyq saqtaý basqarmasy tarapynan shaqyrtýlarǵa dereý qyzmet kórsetý úshіn oblystyq jedel jáne shuǵyl medıtsınalyq kómek stantsııasynyń 12 negіzgі jáne 4 qosymsha brıgadasy jumys іstep jatyr. Sondaı-aq, Munaıly ortalyq aýdandyq aýrýhanasynyń shaqyrýlarǵa qyzmet kórsetýdіń 4 sanatty 4 brıgadasy jáne Aqtaý qalasynyń 4 sanatty 7 brıgadasy jumyldyryldy.
Oblystaǵy emhanalardyń psıhologtar toby ata-analar men balalarǵa qajettі kómek kórsetýde.
"Aýrýhanada tıіstі em-dom kórsetіlýde. Dárі-dármek pen tósek oryndary jetkіlіktі. Dál qazіr eń bastysy, oqýshylardyń densaýlyǵy. Naýqastardyń tez jazylyp ketýіne barlyq jaǵdaıdy jasaýymyz qajet. Keıіn osy jaǵdaıǵa baılanysty tıіstі sharalar men sheshіmder qabyldaıtyn bolamyz",- dedі Nurdáýlet Qılybaı.