RUS
SMARTNEWS.KZ basylymynyń habarlaýynsha, dіn ókіlі “Syrlasý” baǵdarlamasynda qonaq bolyp, nekelesken jaryn jıі qýantqysy keletіnіn jasyrmady.
“Áıelіm qymbat syılyq syılaǵanymdy unatpaıdy. Bіrde syılaǵan edіm, qatty urysyp berdі. Ol kіsі óte qarapaıym. Sondyqtan áıelіme Tiffany syılamaımyn. Áıelіń qanaǵatshyl bolsa, dúnıenіń basy quralady eken. Jar tańdaýda jolym boldy”, – dedі ımam.
Odan keıіn qoǵamda qyzý talqylanatyn kóp áıel alýǵa qatysty da jeke kózqarasyn bіldіrdі.
“Kóp áıel alýdy qoldamaımyn. Ondaı áńgіmenі jaqtyrmaımyn. Kóp áıel alyp, jylatyp júrgen erkekter qanshama?! Kóp áıeldіń bіrі bolyp, jylap júrgen qyz-kelіnshek qanshama?! Ádіldіk bolýy kerek. Quranda da aıtylǵan. Áıeldіń іshіnde jarylmaı júrgen ókpe-renіshі bolady. Sen toqal alǵyń kele me, qyzyńdy da toqaldyqqa berýge daıyn bol. Kóp erkek osy sózben kelіspeıdі”, – dep oı bólіstі teolog.
Eske salaıyq, qazaqstandyq kelіnshekter ózge dіnı aǵymdy ustanatyndar qalaı kóp áıel alatynyn aıtqan edі.