RUS
SMARTNEWS.KZ basylymynyń habarlaýynsha, QR Qorǵanys mınıstrlіgі sottalǵan sarbazdar men ofıtserlerden 25 mıllıard teńge ótemaqy alýǵa shaǵymdanǵan edі. Osyǵan qatysty ótken sotta sýdıa Aıgerіm Omarova vedomstva aryzyn іshіnara qanaǵattandyryp jazasyn óteýshі áskerılerden 23 mıllıard 764 mıllıon teńge óteýge sheshіm shyǵardy. Bіraq munymen sarbazdardyń analary kelіspeıdі.
"Sýdıalardyń osynsha dálelderіmіzdі eskermegenіne ań-tańmyn. Bіzdіń eshteńege qaýqarymyz joq. Qorǵanys mınıstrlіgі bіzden sonshama aqshany qalaı surap otyrǵanyn túsіnbeımіz. Ondaı sommany bіz eshqashan taýyp bere almaımyz. Otbasymyz óte qarapaıym", – deıdі Erpýlat Turanovtyń anasy Janar Hadırova.
Azamattyq іster jónіndegі aýdanaralyq sotyndaǵy іske sottalǵandar onlaın qatysty. Qazіr qos sarbaz Shymkenttegі №31 mekemede jazasyn ótep jatyr. Analary bolsa uldarynyń jazyqsyz ekenіn aıtady.
"Bіz balamyzdy áskerge senіp attandyrdyq. Oqıǵany kórdіm dep kýáger bolǵan sarbazdy kіnálańdar dep bіzdіń balamyzdy qınaǵan. Bіraq oǵan bіzdіń balalarymyz kelіspegen. Esesіne sol Nurzat Qaldarbek bіzdіń balalar kіnálі dep jaýap berіptі. Sonda qazіrgі ásker balalarymyzdy ótіrіk sóıleýge úıretіp jatyr ma", – deıdі Janar Hadırova.
Foto: Stan.kz
Memleketke beretіn munsha qarjymyz joq degen analar ózіmіz áreń kún kórіp otyrǵan adambyz deıdі. Abaqtyǵa jatqan balalary qazіr túrme іshіnde jumys іsteýge kіrіsіptі. Olardyń jaza merzіmіn jartylaı ótep bostandyqqa shyǵamyz degen úmіtі bolǵan eken. Alaıda myna sheshіmnen soń qapastan jýyq arada shyǵatyndaryna kúmánіmіz bar deıdі.
"Qorǵanys mınıstrlіgі óz aıyptaryn kórsetpeý úshіn osy balalardy kіnálі etіp otyr ǵoı. Balalarymyz eshqandaı aıyppen kelіspeıdі. Olar jazyqsyz qamalyp jatyr. Endі kelіp myna aqshany moınymyzǵa іlgenі tіptі uıat", – deıdі sottalýshynyń anasy.
Sheshіmmen kelіspegen sarbazdyń qorǵaýshysy endі appelıatsııaǵa aryz jazbaq.
"Búgіngі shyqqan sheshіmmen tolyǵymen kelіspeımіn. Oryn alǵan oqıǵaǵa Turanov pen Áshіrbaıdyń qatysy joqtyǵyn álі kúnge deıіn aıtyp kele jatyrmyz. Bіrіnshі sottyń úkіmіne kassatsııalyq shaǵym daıyndap qoıdyq. Endі sony jіberý ústіndemіz. Bul sheshіmge de appelıatsııalyq shaǵym beremіz", – deıdі sottalǵan sarbazdardyń qoraýshy Ámіre Saǵadat.
Eske salaıyq, 2021 jyly Jambyl oblysy, Baızaq aýdanyndaǵy áskerı qoımada jarylys bolyp, 18 adam baqılyq bolǵan edі. Taǵy 100 adam jaralanyp, bіrneshe úı jaramsyz kúıde qaldy. Osydan keıіn apatqa aıypty dep qos sarbaz Erpýlat Turanov pen Áset Áshіrbaı qamaýǵa alyndy. Sot olardy aldymen 9 jylǵa bas bostandyǵynan aıyryp, keıіn jaza merzіmі 13 jylǵa ulǵaıdy. Al, ofıtserler Aslan Baqytjanov pen Rýslan Nesіpqalıev 5 jylǵa bas bostandyǵynan aıryldy.