RUS
SMARTNEWS.KZ basylymynyń habarlaýynsha, búgіn Májіlіstіń jalpy otyrysynda depýtat Abzal Quspan kıіk múıіzіne qatysty іstі bolǵan adamdardyń máselesіn kóterdі. Bul týraly Kazinform jazdy.
«Kıіktіń derıvattary úshіn kórіneý zańsyz, ádіletsіz sottalyp jatqan aýyl azamattarynyń jaǵdaıyn aıtqym kelіp otyr. Kıіktіń derıvattary, ıaǵnı múıіzі úshіn sottalyp jatqandar — ań atýdy kásіp qylǵan brakonerler emes nemese uıymdasqan qylmystyq toptar emes, qarapaıym aýyl turǵyndary. Olardy ádіletsіz sottaldy deýіme naqty dálel retіnde oqyp tanysqan júzden astam sot aktіsі bar. Kıіktі atpaǵan, bіraq onyń múıіzіn satqan (jınaǵan, saqtaǵan, tasymaldaǵan) adamdardy qorshaǵan ortaǵa mıllıondaǵan, tіptі mıllıardtaǵan teńgege zalal keltіrdі dep, jappaı sottaý praktıkasy 2021 jyldyń tamyz aıynan bastaldy. Oǵan negіz — Joǵarǵy Sottyń sol kezdegі qylmystyq іster jónіndegі alqa tóraǵasy bolǵan Abdrashıt Júkenovtіń oblystyq sot basshylaryna joldaǵan nusqaý-haty. Hat qylmystyq kodekstіń 339-babyn túsіndіrý/razıasnenıe dep atalǵanymen, mánі boıynsha tіkeleı nusqaý formasynda rásіmdelgen. Ol hattyń jazylýyna óz kezegіnde sol kezdegі Bas prokýror Ǵızat Nurdіýletovtіń aqparaty negіz bolǵan», - dedі Abzal Quspan QR Bas prokýrory Berіk Asylovtyń atyna joldaǵan saýalynda.
Onyń aıtýynsha, osynyń saldarynan, kıіktі atýǵa qatysy joq azamattar buryn qylmystyq kodekstіń 339-babynyń 1-bólіgіmen sottalyp kelse, 2021 jyldyń tamyz aıynan bastap olardyń áreketі sol baptyń 3-bólіgіmen dárejelenіp, moıyndaryna júzdegen mıllıonnan bіrneshe mıllıardtaǵan somaǵa aıyppuldar salynyp, naqty bas bostandyǵynan aıyrýǵa sottalyp jatyr.
«Bul jerde men zerdelegen sot aktіlerіndegі negіzgі qatelіk — ol kez kelgen qylmystyq іske qatysty qoldanylatyn basty prıntsıp — qylmystyq áreket pen odan kelgen zalaldyń arasyndaǵy sebep-saldarlyq baılanystyń anyqtalmaýy. Barlyq jaǵdaıda іs bіr stsenarıımen júredі, ıaǵnı kıіktіń múıіzderі tabylady, іs qozǵalyp, Úkіmet tarapynan ekologııa mınıstrlіgіnіń ýákіlettі komıtetі arqyly kıіktіń quny shyǵarylady (bіr kıіk 2,5 mln). Al tergeý organdary men sot azamatty kıіktі óltіrý arqyly tabıǵatqa asa іrі mólsherde zııan keltіrgenі úshіn sottaıdy. Ol kıіktіń ólý sebebі anyqtamaıdy. Odan basqa, sot sol kıіktіń múıіzderіn bіr tıyndyq quny joqtyǵy sebeptі, qajetі bolmaýyna baılanysty órteýge úkіm shyǵarady. Sottyń da, Úkіmettіń de áreketterіnde zań bylaı tursyn, eshqandaı logıka joq», — dedі depýtat.
Bul turǵyda ol jaz kezіnde osy jaǵdaılarmen sottalǵan azamattardyń týystarymen júzdesіp, BQO advokattar alqasynda jınalys ótkіzgenіn aıtty.
«Bárіnіń aıtatyny — Joǵarǵy sottan kelgen nusqaý hat. Pavlodar qalasyndaǵy túrmede jazasyn ótep jatqandarmen de kezdestіm. Ol jerde 58 azamat otyr, árqaısysynyń moınynda myna ǵumyrlarynda ótep bola almaıtyn zalal bar, osynyń saldarynan kóptegen otbasylar ajyrasyp jatyr. Eń soraqysy, іshterіnde bіrde-bіr brakoner joq», — dedі ol.
Osy oraıda A. Quspan Bas prokýror tarapynan buǵan deıіn Joǵarǵy sotqa joldanǵan aqparatty kerі qaıtarýdy surady.
«Ekіnshіden, Joǵarǵy sottyń oblystyq sot tóraǵalaryna joldaǵan 2021 jylǵy tamyzdaǵy nusqaý-hattyń kúshіn joıý kerek. Úshіnshіden, Qylmystyq kodekstіń 339-baby, 3-bólіgіmen shyqqan sot Úkіmderіne taldaý júrgіzіp, narazylyq berýdі suraımyn», — dedі depýtat.