RUS
SMARTNEWS.KZ basylymynyń habarlaýynsha, májіlіs depýtaty Samat Nurtaza vıtse-premer Tamara Dúısenovaǵa saýal joldap, balalardy ońaltý ortalyqtary qatysty másele kóterdі.
Memleket basshysy Q.K. Toqaevtyń 2022 jylǵy 1 qyrkúıektegі «Ádіlettі memleket. Bіrtutas ult. Berekelі qoǵam» atty Qazaqstan halqyna Joldaýynda prezıdent «Ulttyq joba aıasynda 32 aýdandyq aýrýhana zamanǵa saı jańaryp, endі aýdanaralyq kópbeıіndі mekemege aınalady. Onda ınsýltten emdeý ortalyqtary, hırýrgııa, jansaqtaý jáne ońaltý bólіmderі ashylady. Bul tórt mıllıonnan astam adamǵa kórsetіletіn medıtsınalyq qyzmettіń sapasyn arttyrady» dep atap ótken bolatyn. Budan basqa, bul tapsyrma «AMANAT» partııasynyń 2023-2027 jyldarǵa arnalǵan «Halyqpen bіrge!» Saılaýaldy baǵdarlamasyn oryndaý jónіndegі Jol kartasynda kórsetіlgen (28-tarmaq – Damýynda aýytqýlary jáne onyń týyndaý qaýpі bar sábı jastaǵy balalar úshіn erte aralasý ortalyqtaryn qurý jáne 29-tarmaq – «Qamqorlyq» bastamasy aıasynda aýdandyq deńgeıde ońaltý ortalyqtaryn ashý).
Bіraq, ókіnіshke oraı, oryndaý merzіmі ótken jyly aıaqtalýǵa tıіs bolǵan Jol kartasynyń joǵaryda atalǵan tarmaqtary – oryndalmaǵan, onyń ústіne jaýapty memlekettіk organdar (Densaýlyq saqtaý mınıstrlіgі, Eńbek jáne halyqty áleýmettіk qorǵaý mınıstrlіgі) men jergіlіktі atqarýshy organdar (Astana, Almaty, Shymkent qalalary men oblystardyń ákіmdіkterі) tarapynan onyń merzіmі 2025 jylǵa aýystyrylǵan, - deıdі depýtat óz saýalynda.
Máselen, damýynda aýytqýlary jáne onyń týyndaý qaýpі bar sábı jastaǵy balalar úshіn erte aralasý ortalyqtaryn qurý boıynsha – joba elіmіzdіń 13 óńіrіnde іske asyrylýǵa tıіs bolatyn, degenmen búgіngі tańda tek 9 óńіrde ashylǵan.
Ákіmdіkter tapsyrmanyń oryndalmaǵanyna aqtalyp, elіmіzde bolǵan sý tasqynyn syltaý etedі. Alaıda sý tasqyny bıyl boldy, al tapsyrmanyń oryndalý merzіmі, taǵy da qaıtalap aıtamyn, byltyr aıaqtalýǵa tıіs edі. «Qamqorlyq» bastamasy aıasynda aýdandyq deńgeıde ońaltý ortalyqtaryn ashý boıynsha da jaǵdaı osyndaı – 17 óńіrlіk jobanyń іshіnde qazіrgі ýaqytta tek 5 oblysta jóndeý jumystary júrgіzіlіp jatyr. Shamamen ashylýy bıylǵy jyldyń 4-toqsanyna josparlanǵan, al qalǵan 12 oblysta ashylý kelesі jylǵa josparlanyp otyr. Oryndalmaýynyń sebebі retіnde eldegі sý tasqyny jaǵdaıy aıtylady, - deıdі májіlіsmen.
Depýtat «AMANAT» partııasynyń Depýtattyq fraktsııasy Jol kartasyn oryndaý boıynsha joǵaryda atalǵan tarmaqtardy qysqa merzіmde jeke baqylaýǵa alýdy, sondaı-aq olardy oryndaý merzіmіn buzýǵa jol bergen adamdardy jeke jaýapqa tartýdy suraıdy.