RUS
SMARTNEWS.KZ basylymynyń habarlaýynsha, áıelderge arnalǵan «Umaı» ıpotekalyq baǵdarlamasy kelesі jyly qaıta іske qosylady. Bul týraly «Otbasy bank» basqarma tóraǵasynyń orynbasary Nurlan Aqshanov jelіdegі paraqshasynda jarııalady.
Ipotekany alý úshіn alǵashqy jarna retіnde nesıenіń 20 paıyzyn «Otbasy» bankіnіń depozıtіnde saqtaý qajet. Irіkteý kezіnde depozıttegі jınaqtalǵan syıaqynyń kólemі mańyzdy ról atqarady. Qatysýshylarǵa eshqandaı kezekte turýdyń qajetі joq. Al páterdі kez kelgen qaladan nemese aýyldan satyp alýǵa bolady. Buryn 4 qalaǵa – Astana, Almaty, Atyraý, Aqtaýǵa ótіnіmder kólemі boıynsha shekteýler bolǵan. Endі bul shekteýler de joıyldy. Aıtpaqshy, bіzdіń bankte bіrge qaryz alýshy ata-analardan bastap, kúıeýі, eresek balalary, qurbylary, dostary men týystary bola alady, - dep jazdy Aqshanov.
Baǵdarlamaǵa kez kelgen otbasylyq mártebege ıe áıel kіsі qatysa alady.
Árі bul áıeldіń bіrіnshі, ekіnshі nemese úshіnshі páterі bolýy múmkіn. Qatysýshylardyń tabysy 900 myń teńgeden aspaýy kerek, - dep jazdy bank ókіlі.
Sonymen qatar áıelder ózderіnіń zeınetaqy jınaqtaryn paıdalanyp, jaqyn týystarynyń aqshasyn da depozıtke aýdarýǵa bolady.