RUS
SMARTNEWS.KZ basylymynyń habarlaýynsha, 2024 jyldyń basynan bastap halyqtyń áleýmettіk osal toptaryna jatatyn azamattarǵa jańa bıznes-ıdeıalardy іske asyrý úshіn 8 941 grant, onyń іshіnde aýyl turǵyndaryna 5 769 grant berіldі.
2024 jyly qaıtarymsyz grant:
Mal sharýashylyǵyna – 2 331,
Ósіmdіk sharýashylyǵyna – 101,
Qural-saıman, eńbek quraldaryn satyp alýǵa – 2 425,
Tehnologııalyq jabdyqtardy satyp alýǵa – 3 941,
Oryn jaıdy jalǵa alýǵa – 143 berіldі.
“Alýshylardyń sanattary bólіnіsіnde kópbalaly otbasylardyń múshelerіne – 5 646, múgedektіgі bar adamdarǵa – 1 446, múgedektіgі bar balalardy tárbıelep otyrǵan ata-analarǵa – 1 045, ataýly áleýmettіk kómek alýshylarǵa – 253, asyraýshysynan aıyrylý boıynsha tólem alýshylarǵa – 365, qonys aýdarýshylarǵa – 151 jáne qandastarǵa – 35 grant berіldі”, – delіngen habarlamada.
Bıyl granttar alýǵa ótіnіshterdі qabyldaý 2 lek boıynsha ótkіzіldі. Úmіtkerlerden barlyǵy 30 myńnan astam ótіnіsh tústі. Onyń іshіnde:
Kópbalaly otbasylardan – 19,4 myń,
Múgedektіgі bar adamdardan – 4,7 myń,
Múgedektіgі bar balaǵa kútіm jasaıtyn adamdardan – 3,5 myń,
Ataýly áleýmettіk kómek alýshylardan – 758 ótіnіsh qabyldandy.
Sondaı-aq asyraýshysynan aıyrylǵan adamdar qatarynan 1,1 myń adam, 289 qonys aýdarýshy jáne 169 qandas ótіnіsh berdі. Ótіnіmderdіń eń kóp sany Túrkіstan (5,4 myń), Qyzylorda (3,3 myń), Jambyl (3 myń) oblystary men Shymkent qalasynyń (2,4 myń), al eń az sany Ulytaý (221) jáne Qostanaı (490) oblystarynyń úmіtkerlerіnen kelіp tústі.
Kelesі jyly da 9 myń grant berý kózdelgen. Granttardy eńbek mobıldіlіgі ortalyqtary úmіtkerlerdіń ótіnіshterіn qaraý jónіndegі aýdandyq/qalalyq komıssııanyń sheshіmі negіzіnde beredі. Úmіtkerler ózderіnіń bıznes-jobalaryn komıssııa otyrystarynda tanystyrady. Komıssııa otyrysynyń ótkіzіletіn orny, kúnі men ýaqyty týraly habarlama Business.enbek.kz portalynda grant alýǵa ótіnіsh berýshіnіń jeke kabınetіnde kórsetіledі.
Bul rette, komıssııanyń árbіr múshesі bıznes-jospardy baǵalaıdy jáne baǵalaý paraǵyn mynadaı krıterııler boıynsha toltyrady:
Bıznes-ıdeıanyń básekege qabіlettіlіgі;
Ótkіzý naryqtarynyń pysyqtalýy;
Bıznes-jobanyń qarjylyq ómіrsheńdіgі;
Kásіpkerlіk daǵdylardyń deńgeıі, jańa jumys oryndaryn qurý.
Osylaısha, grant berý týraly sheshіm komıssııalyq jáne úmіtkerlerdіń bıznes-jobalarynyń pysyqtalýyn baǵalaýdyń naqty krıterıılerі negіzіnde qabyldanady.
Komıssııanyń sheshіmі týraly aqparat úmіtkerdіń Business.enbek.kz portalyndaǵy jeke kabınetіne jіberіledі. Komıssııa oń sheshіm qabyldaǵan jaǵdaıda úmіtker salyq organdarynda óz qyzmetіn tіrkeıdі, banktіk derektemelerdі usynady, shartqa qol qoıady jáne odan árі toqsan saıyn bólіngen qarajattyń paıdalanylýy týraly esepterdі usynady. Munyń bárі eńbek mobıldіlіgі ortalyqtaryna barmaı-aq, elektrondyq formatta jasalady.