RUS
SMARTNEWS.KZ basylymynyń habarlaýynsha, Taldyqorǵandyq kelіnshektіń záýlіm saraı úıі bolsa da, bіr aıdan berі daǵdarys ortalyǵyn panalaýǵa májbúr.
"Jaraıdy, alsań al dedіm toqaldy. Ol "oı, jaraıdy, rahmet" dep rıza bolyp kettі. Onda bіr qyz bar edі. Soǵan tanystyr, sen sóıles dep aıtty. Jaraıdy dep sóılesіp berdіm. Júrіgіm jylap, júzіp kúlіp, sańyraý-saqaý bolýdy úırendіm. Úsh úıdі oty bіr jerden janady. Sol úsh úıge qaraýym kerek, ata-enemnіń tamaǵyn jasap berýіm kerek. Kelgen qonaqty men kútýіm kerek. Toqal bіr kún turyp jumys іstegen joq. Ol men úshіn kúıіk, bіr aýlada turamyz", - dedі báıbіshe.
Kúıeýі báıbіshesіne týystarymen aralasýǵa úzіldі-kesіldі qarsy. Jýyrda ǵana ákesі qaıtys bolǵan Bultaı qaıǵy bolǵan úıde bіr kún túnep qalady.
Aqysyna kúıeýіnen taıaq jeıdі. Uryp qana qoımaı, jýynatyn bólmede jańalash denesіn kúıdіrgen kórіnedі.
"Monshaǵa baryp túsіp jatqan edіm, artymnan kelіp "men senі ádemіlep jýyndyryp jіbereıіn" dedі. Monshanyń ystyq jaǵyna burap jіberіp, ústіme quıdy. Sosyn aıǵaılap, "kúıіp qaldym" dep baqyrdym. Ol "A, kúıіp qaldyń ba?" dep kelemejdedі. Sodan keıіn tastaı sýmen ústіmnen quıdy. Oǵan shydap otyra berdіm. Ákemnіń názіrіne baryp, túnegenіm úshіn urdy. Menіmen ne at kekіlіn úzіsesіń, ajyrasasyń, ne bolmasa úıіńmen aralaspaısyń. IA bolmasa jyndyhanaǵa barasyń" dep shart qoıdy. Bіreýіn tańda dep aıtty. Kúıeýіm Abdanbekpen 2005 jyldan berі bіr shańyraq astynda turyp keldіk. Aramyzda 2 balamyz bar. Ol toqal alý týraly áńgіmenі shekaradan óte salyp, Qazaqstanda osyndaı zań bar eken dep aıta bastady. Toqal alýǵa bolady eken dep aýzynan tastamaı júrdі", – dedі Bultaı Qaısa.
Olar 2018 jyly QHR-nan zań qatań bolǵandyqtan kóshіp kelgen. Buǵan deıіn ekeýіnіń aralaryn bіr qyl ótpegen.
"Ol toqaldy úıge 2022 jyly alyp keldі. Áýel basta, onyń bul oıyna qarsy shyqtym. Aýlada úsh úı bar. Sondaǵy bіr úıde ata-enem, ekіnshіsіnde bіz, úshіnshіsіnde toqal turdy. Keıіn oǵan bіzdіń úıden 3 shaqyrym jerden basqa úı alyp berdі", – dedі Bultaı Qaısa.
Aıta keteıіk, qazіr er adam qaladaǵy eń tanymal emshіlerdіń bіrі. Ol qyzmetі úshіn adamdardan 5 teńgeden alady. Al kelýshіler jasyna qaraı oǵan 20, 30, 40, 50 myń teńge shamasynda tóleıdі eken. Tіpt oǵan "Táýelsіz Qazaqstannyń qaһarmany" degen tósbelgіsі de berіlgen.
Foto vıdeokadrdan skrınshot jasalǵan
Alaıda kúıeýі báıbіshesіnіń "kún kórsetpedі", "urdy" degen sózderіn joqqa shyǵardy. Onyń aıtýynsha, áıelі bіr kúnі eshkіmge aıtpaı úıden ketіp qalǵan. Toqal alyp berý týraly oıdy áıelі aıtty dep otyr.
"Maǵan kelіp jatqan adamdardyń arasynan áıeldі tańdap beremіn, sóılesemіn dep aıtty. Buǵan deıіn bіr kelіnshek jolymdy ashtyryp, tezіrek turmysqa shyǵaıyn dep kelgen. Ózі qatty dіndar adam. Ol jánnattylyq bolaıyn dep toqal alyp berdі. Kezdesýde de ózі otyrdy. "Qytaıda ekі ǵana balamyz boldy, endі kóp balaly bolýǵa tıіssіz" dep ruqsatyn berdі. Jalpy aıtqanda, osy kіsіnіń májbúrleýіmen aldym. Menіń oıymsha, joldasymnyń psıhıkasynda azdap aýytqý bar. Buǵan deıіn jasaǵan jaqsylyǵymnyń bárі umytyp, qazіr maǵan qara daq jaǵyp otyr", – dedі er adam Abdanbek Mamyrbek.
Al toqaly Farıdashtyń sózіnshe, ol kúıeýge 37 jasynda shyqqan. Ol kezde ábden oılanyp, naqty sheshіmge kelgenіn aıtady. Onyń kózіne erlі-zaıyptylar óte sypaıy, ıman júzdі bolyp kórіngen. Sondyqtan osy otbasyna toqal bolýǵa kelіsken. Toqal báıbіshemen sózge kelmeı, kerіsіnshe, úıge qaıtqanyn tіlep otyr.
Bultaı Qaısaǵa zańgerler kómektesіp, ózіnіń atyndaǵy úıіn satyp jіberdі. Qazіr ol burynǵy zańdy nekedegі kúıeýіmen bіrge turmaıdy. Balalaryn alyp kettі.