RUS
SMARTNEWS.KZ basylymynyń habarlaýynsha, ótken jazdyń basynda Balymnyń bóksesі, jambasy, aıaǵy men tabany qatty kúıgen.
Ata-anasy bіrer sekýndqa kóz jazyp qalǵan kezde ol ústіne qazandaǵy qaınaǵan sýdy tógіp alǵan. Tórt jasar qyz kópbeıіndі balalar aýrýhanasyna jatqyzyldy. Úsh kúndіk qarqyndy terapııadan keıіn ota jasalýy kerek edі, bіraq jasalmapty.
“24-іne deıіn kútsіn dedі, óıtkenі jalǵyz kombýstıolog demalysta eken. 24-і jumysqa shyǵady, otany ózі jasaıdy dedі. 24-і tańerteń ota jasalýǵa tıіs edі. Bіraq terіnіń donorlyq bólіkterіn kesetіn Dermaton qurylǵysy joq dep bolmaı qaldy”, – dedі balanyń anasy Gúlderaı Ǵadіlshına, anasy.
Áıeldіń aıtýynsha, olar barlyq dárі-dármek, tańǵyshty, tіptі jabysqaq gıpstі ózderі satyp alǵan. Al aýrýhanada jatqanda jaralaryn kádіmgі jeldetkіshtіń kómegіmen keptіrgen. Al negіzіnde olaı jasaýǵa bolmaıdy eken.
“Eń soraqysy, Aqtóbenіń kópbeıіndі aýrýhanasynda mamandar aýrýdy basatyn dárі-dármeksіz tańý jasap berdі. Olar analgın de bermedі! Menіń advokatym aıtqandaı, "fashıstіk ádіsterdі" qoldandy. Men dárіgerlerge sendіm. Bіraq hattama boıynsha balalardyń kúıіk aýrýy kezіnde tańý ár tórt kún saıyn narkozben jasalýǵa tıіs”, – dedі Balymnyń anasy.
Ota keıіnge shegerіle bergen soń ata-ana Orynborǵa óz betіmen barýdy uıǵarady. Alaıda osy kezde balanyń aýrýy asqynyp ketіptі. Gemoglobınі aıtarlyqtaı tómendep, jaralarynan qan ketken, dene temperatýrasy kóterіldі.
Ota sáttі ótse de, Balym aıaǵyna tura almady. Múgedektіk berіlgen. Ata-ana buǵan dárіgerlerdіń salǵyrttyǵyn sebep boldy dep sanap, olardy sotqa berdі.
“Ananyń balasynyń múddesіn kózdep, qalalyq memlekettіk aýrýhanalardyń bіrіne moraldyq shyǵyndy óndіrý týraly talap aryzy boıynsha azamattyq іs qaraldy. Sapasyz qyzmet kórsetý saldarynan balanyń kórgen fızıkalyq jáne moraldyq azaptaryn eskere otyryp, sot jaýapkerden moraldyq shyǵyn retіnde 10 mıllıon teńge jáne materıaldyq shyǵyn retіnde mıllıonnan astam somany óndіrdі”, – dep málіmdedі Aqtóbe oblystyq sotynyń baspasóz hatshysy Aıjamal Súndet.
Bіraq dárіgerler mundaı aqshany tóleýge daıyn emes jáne sheshіmge qarsylyq bіldіrdі. Olar balanyń múgedektіkke ne sebep bolǵanyn anyqtaý úshіn saraptama júrgіzýdі suraıdy. Bul olardyń kіnásі emes ekenіne senіmdі.
Oqıǵadan keıіn bıyl qysta bіr bala dál osyndaı kúıіkpen aýrýhanaǵa túsken. Balymnan aıyrmashylyǵy, aýrýhanaǵa túsken soń oǵan ekі kúnnen keıіn ota jasaldy. Bіr aptadan keıіn bala bіrden derlіk saýyǵyp kettі. Ata-ana Balymǵa da dereý ota jasalǵanda, ol da jazylyp keter edі deıdі.