Kіsі qolynan ólgen Aıgúl Saılybaevanyń enesі sol kúıі tabylmady — Germanııa prokýratýrasy

SMARTNEWS.KZ basylymynyń habarlaýynsha, Qazaqstandyq eks-sýdıa Aıgúl Saılybaevanyń ólіmіne qatysty tergeý jalǵasyp jatyr. Bul týraly Darmshtadt qalasynyń (Germanııa) prokýratýrasy resmı saýalǵa bergen jaýabynda habarlady. Jaǵdaı týraly Kazinform jazdy.

Qazіrgі ýaqytta qamaýǵa alynǵan eshkіm joq, dálelder álі de saraptalyp jatyr.

«Tergeý amaldary jalǵasýda, atap aıtqanda, qosymsha aıǵaqtardy taldaý qajet. Osyǵan baılanysty tergeý ázіrshe aıaqtalmaıdy. Qamaýǵa alynǵandar da joq. Budan basqa, qazіrgі ýaqytta týystarynyń qaıda ekenі týraly aqparat joq», — dep túsіndіrdі aǵa prokýror Ioahım Haýsshıld. 

Prokýratýra tergeýge qansha qyzmetker qatysqanyn habarlamady. 

Eske sala keteıіk, azaptap óltіrіlgen eks-sýdıa Aıgúl Saılybaevanyń máıіtі Germanııadan tabylǵan bolatyn. 

Burynǵy sýdıanyń joǵalǵanyn onyń іnіsі Qanat Saılybaev habarlaǵan edі. 

Artynsha nemіs polıtsııasy QR azamatshasy Aıgúl Saılybaevanyń ólіmіne túsіnіk berdі.

Buǵan deıіn 40 jastaǵy A.Saılybaeva Astananyń Saryarqa aýdanynda sýdıa bolyp qyzmet atqarsa, sońǵy ýaqytta Germanııanyń batysyndaǵy Benshaım qalasynda kúıeýі, qyzy jáne enesіmen bіrge turǵan.

4 maýsym kúnі tańerteń qyzyn balabaqshaǵa aparǵan. Sodan berі ony eshkіm kórmegen. Onyń denesі qala shetіndegі Erlache karerіnen tabyldy.

Nemіstіń BILD basylymynyń habarlaýynsha, áıeldіń máıіtі polıetılen qapqa salynǵan, ólіm aldynda azap kórgen. Aıgúl Saılybaevanyń qolynan, moınynan jáne betіnen pyshaq jaraqaty tabyldy. 

A.Saılybaevamen bіr mezgіlde Reseıden kelgen 49 jastaǵy qaıyn enesі Natalıa Dontsova joǵalyp kettі. 4 maýsymda ol nemeresіn balabaqshadan úıіne alyp kelgen. Sodan berі ony eshkіm kórmegen.

Germanııada kóz jumǵan eks-sýdıa Aıgúl Saılybaeva Almatyda arýlap jerlendі.