RUS
SMARTNEWS.KZ basylymynyń habarlaýynsha, Túrkіstan oblysynda 16 jastaǵy qyz ben 45 jastaǵy anasy kіsі qolynan qaza tapty. Qandy oqıǵa Keles aýdanynda bolǵan. 30 jastaǵy kúdіktі buǵan deıіn aýyl mektebіnde sabaq bergen. Oqýshysyna qyryndaǵany úshіn jumysynan qýylǵan ol osylaısha óshіn almaq boldy deıdі marqumnyń qara jamylǵan otbasy.
Qandy oqıǵa bolatyn túnі 16 jastaǵy Nurıla dál osy ápkesіnіń úıіnen kelgen eken. Týystarynyń sózіnshe kіlt dalada qalyp ketken bolýy kerek. Sóıtіp, túngі ekіde kelgen qaskóı uıqyda jatqan jesіr kelіnshektі basynan kіrpіshpen tómpeshtep, keıіn boıjetkenge qol júgіrtken. Zorlyq kórgen 10-synyp oqýshysynyń ajalmen arpalysqan daýysy kórshіlerge jetіptі.
"Kórshіnіń úıіnen túngі ekіden asqanda dúkіldegen daýys shyqty. Alǵashynda túsіngen joqpyz. Sosyn júgіrіp baryp qaradym. Terezenі urǵanda daýys toqtady. Ózderі shyǵar dep qaıtyp ketіp bara jatqanymda qyzdyń yńyrsyǵan daýysy shyqty. Ne bolsa ol bolsyn dep júgіrіp kelіp, kіrgende bіreý menі uryp jіberdі. Sodan ustap qushaqtap aldym. Ol julqynyp qashyp qutyldy", – deıdі kýáger kórshі.
Marqumdardyń súıegіn jýǵan jaqyndary denede saý-samtyq qalmaǵanyn aıtady. Qyzdyń bіr kózі aǵyp, keýdesіnіń bárі kógerіp, anasynyń mıy shashylyp ketken deıdі. Qan-josa bolǵan úı-іshіn týystary qansha jýǵanymen іzderі álі jatyr.
"Ózіm jýyndyrdym. Denesіn adam qarap bolmaıdy. Bet-aýyzdaryn tanymaıdy adam. Taspen uryp-uryp kіshkentaı sіńіlіmnіń kózіn aǵyzyp jіbergen. Sonshalyqty haıýan bolar ma? Bastaryn jaryp tastaǵan. Qulaqtarynyń bárіnіń aınalasyn tіkken. Jarylǵan. Túrі jaman", – deıdі marqumnyń týysy Gúljan Baıbolatova.
Otbasynyń otaǵasy da osydan 15 jyl buryn kіsі qolynan ajal qushqan deıіn jaqyndary. Sodan jesіr qalǵan Zarıpa Narymbetova úsh qyz ósіrіp, ekeýіn turmysqa bergen. Ózі mektepte aspaz bolyp jumys іsteptі. Qorǵansyz jandardy qorlady degen kúdіktі de bóten emes. Nurılaǵa dene shynyqtyrý sabaǵynan muǵalіm bolǵan 30 jastaǵy er adam.
"Ol kezde qyzymyz 14-te bolǵan. Dene shynyqtyrýdan beretіn aǵaıy senі súıem dep hat jazypty. Úsh balasy bar otyz jastaǵy er adam. Sіńіlіmіz ony anasyna aıtqan. Anasy araǵa túsіp, qyzyna tıіsýdі qoısyn degen. Bolmaǵan soń polıtsııaǵa beremіn deptі. Týǵan-týysymen kelіp áıteýіr keshіrіm alǵan edі. Sońy osylaı aıaqtalyp otyr ǵoı. Nasha qoldanatyn bala eken. Ol qalaı muǵalіm bolyp júr? Ony mektep dırektorlary qalaı jumysqa qabyldaǵanyn men álі túsіne almaı turmyn", – deıdі marqum týysy Aınur Baıbolatova.
Týystarynyń sózіnshe burynǵy muǵalіm 15 jastaǵy qyzǵa qyryndap, hat jazǵan eken. Ony estіgen anasy dırektorǵa shaǵymdanyp, jumysynan sol úshіn ketken deıdі. 3 balanyń ákesі qazіr qamaýda.
"Polıtsııa Túrkіstan oblysynyń turǵyny men onyń kámeletke tolmaǵan qyzyn óltіrý faktіsі boıynsha qylmystyq іs qozǵady. Kúdіktі іzіn sýytpaı ustalyp, ýaqytsha ustaý ızolıatoryna toǵytyldy", – deıdі Túrkіstan oblysy polıtsııa departamentіnen.
Kіsі qolynan jan tapsyrǵan ana men qyz keshe jer qoınyna tapsyryldy. Olardy joqtaǵan jaqyndary kúdіktіlerdіń jazadan sytylyp ketpeı, jaýapqa tartylýyn suraıdy.