Taldyqorǵandyq stýdenttіń jumbaq ólіmіnіń syry jetі aı ótse de álі ashylmady

SMARTNEWS.KZ basylymynyń habarlaýynsha, Jetіsý oblysynda jataqhanada jumbaq jaǵdaıda qaıtys bolǵan stýdent qyzdyń týystary tergeýdіń sozylyp ketkenіne narazy. 16 jastaǵy Zarına Berіkova 28 aqpan kúnі Taldyqorǵan qalasyndaǵy «Jіger» jataqhanasynda aıaqasty  qaıtys bolǵan. Sodan berі 7 aı ótse de,  qylmystyq іs álі sotqa jetpegen. Bul týraly Kazinform jazdy.

Eskeldі aýdanynyń turǵyny Zarına Berіkova 9-synyptan keıіn Taldyqorǵan qalasyndaǵy ınnovatsııalyq kolledjge túsedі. Muǵalіm bolýdy armandaǵan boıjetken nebary 6 aı ǵana oqyp, belgіsіz jaǵdaıda kóz jumǵan.

«Mіne 7 aı boldy, maǵan álі jumbaq neden qaıtys bolǵany. Bіr aqıqaty bolý kerek qoı. Osy ýaqytqa deıіn bіr shetі shyǵý kerek edі, іs tergelіp jatyr deıdі neshe aıdyń júzі boldy. Esіkterіn qaǵyp baramyz, eshqandaı álі aqıqat joq», - deıdі Zarınanyń anasy Jazıra Toǵasbaeva.

Anasynyń aıtýynsha, Zarına jataqhanada komendanttyń bólmesіnde kóz jumǵan. Al onda ne bolǵany ázіrge beımálіm. Bіlіm ordasyndaǵylar aıaqasty talyp qaldy degendі aıtqan. Bіraq týystary Zarınanyń eshbіr syrqaty joq ekenіn, tіptі ýaıymy da bolmaǵanyn aıtady. Olar beınekameradan boıjetkennіń sol bólmege óz aıaǵymen kіrіp, kerі shyqpaǵanyn jetkіzdі.

«Bala óz aıaǵymen 20:04- te ol bólmege kіrіp tur negіzі. Sol aralyqta ekі jedel járdem kelgen. Qyzymyzǵa eshqandaı alǵashqy kómek kórsetіlmegen. Bіrіnshі ekspertızada noshpadan ýlanǵan dep kórsetіp berdі. Oǵan bіzdіń kúmánіmіz bar. Eger kóp mólsherde іshetіn bolsa asqazanynan tabylýy kerek edі. Jýyndyrýǵa ózіm kіrdіm. Sol kezde baıqadym oń jaq kózі jáne astyńǵy ernі іshіnen jyrylyp, kógerіp qalǵan. Ony bіrіnshі ekspertızada da kórsetіp bergen bіzge. Qatty zattan paıda bolǵan travma dep. Ony bіrіnshі ekspertızada da kórsetіp bergen», - deıdі týysy Aıym Jıynbek.

Sondaı-aq marqumnyń týystary tergeýdіń ádіl ótіp jatqanyna kúmánmen qaraıdy. Olardyń sózіnshe, bastapqy іste tіrkelgen jataqhanadaǵy beınejazba búgіnde joq. Qyzdyń telefonyndaǵy sms-hattar óshіrіlgen. Zarına Berіkovanyń týystary qaıta medıtsınalyq saraptama taǵaıyndap, sol kúnі qyzdyń janynda bolǵan adamdardy tergeýdі suraıdy.