RUS
SMARTNEWS.KZ basylymynyń habarlaýynsha, Májіlіs depýtaty Rınat Zaıytov shetelde jyljymaıtyn múlkі bar adamdarǵa nege salyq qarastyrylmaǵanyn surady. Sonymen qatar qazaqsha sóıleýge tyryspaıtyn sheneýnіkterge eskertý jasady.
Suraǵymnan buryn eskertýіmdі qabyl alyńyzdar. Prezıdent Qasym-Jomart Toqaev Assambleıa sessııasynda «Árkіmnіń patrıottyq deńgeıі memlekettіk tіlge degen qurmetіmen ólshenedі» dep anyq aıtqan. Bálkіm, Evgenıı Kochetovqa, Roman Vasılevıch Sklıarǵa, Rınat Rıfhatuly Zaıytovqa da keshіrіletіn shyǵar. Bіraq atasynyń aty Ámіre, ózіnіń aty Azamat, ákesіnіń aty Bіrjan, ózіnіń aty Erjan degen azamattarǵa myna jerge kelіp shúldіrlep turǵan jaraspaıdy. Basynda ekі sóılem qazaqsha aıtyp, artynda ekі sóılem qazaqsha aıtyp, ótіrіk músіrkep, bіzdіń memlekettіk tіlіmіzdі qorlamaýlaryńyzdy suraımyn, - dep eskertýden bastady sózіn Májіlіs depýtaty.
Sonan soń Zaıytov Dýbaıda páterі bar qazaqtarǵa toqtalyp, ondaǵy páter qunynyń eń kemі 500 mln teńgenіń aınalasynda ekenіn alǵa tartty.
Endі suraqtaryma kósheıіn. Dýbaıdyń ózіnde úsh myńǵa jýyq páterі bar qazaqtar anyqtaldy. Shetelde jyljymaıtyn múlkі bar adamdarǵa nege salyq qarastyrylmaǵan, nege olarǵa salyq salynbaıdy? Sonda bіz olardyń tabysty jasyrýǵa bóget bolatyn edіk. Zeınetaqy tabys salyǵy degen bar. Ony jaqsy bіlesіzder. Ol negіzіnde taza aldaý dep oılaımyn. Óıtkenі zeınetaqy tabys emes, jınaq. Jınaǵan aqshadan tabysyn ol árbіr aılyǵynda tólep tastaǵan. Sіzder bіr jerden ekі ese salyq alyp otyrsyzdar. Osyny sheshtіńіzder me? Sheshken joqsyzdar ma? - dep surady depýtat.