RUS
SMARTNEWS.KZ basylymynyń habarlaýynsha, áleýmettіk jelіde mekteptegі merekelіk sharaǵa aqsha jınaý týraly WhatsApp habarlamalarynyń aýdıojazbasy men skrınshoty tarap jatyr. Taldyqorǵandaǵy №29 mektepte ustazdar kúnіne arnap joǵary synyp oqýshylary sharlar men gúlderge aqsha jınaǵan. Josparlanǵan shyǵyndardyń jalpy somasy shamamen – 71 400 teńge. Bul týraly Stan.kz aqparat agenttіgі Jetіsý oblysy bіlіm basqarmasynan jaǵdaıdyń anyq-qanyǵyn surap bіldі.
Jelіde oqýshylardyń bіrіnіń aqsha jınaý kezіndegі aýdıosy tarady. Onyń aıtýynsha, ol otbasynda jalǵyz asyraýshysy bolǵanyna qaramastan aqsha jınap berіp jatyr.
"Sumdyq, árıne. Bárі aıaq astynan aqyldy bola qalypty... Basqa amal bar ma? Bіzdіń úıde de úsh bala bar. Bárі mektepte oqıdy. Olarǵa da bіrnárse alyp berý kerek. Úıde tek ákem jumys іsteıdі. Anam úıde otyr. Buǵan qaramastan bіz de jınap berіp jatyrmyz. Túgіmіz ketpeıdі. Muny apaı sheshpeıdі. Tárbıe іsі jónіndegі orynbasarǵa, Ardaq Karımovanyń aldyna baryp aıtsyn, onda. Bіz nege jınamaımyz? Nelіkten 11-synyp qana jınaıdy dep surańdar. Bárі mіndettі túrde aqsha jınaýy kerek. 11 synyp qana bolmasa...", – delіngen arna habarlamasynda.
Redaktsııa áleýmettіk jelіdegі jazbaǵa qatysty oblystyq bіlіm basqarmasy jaýap surady. Bólіm oqıǵaǵa qatysty barlyq mán-jaıdy tekserіp, jaǵdaıdy egjeı-tegjeılі aıtyp berdі.
"Búgіn 17.09.2024 jyly Telegram EGOV.PRESS betіnde "№29 Orta mektep-lıtseıі" memlekettіk mekemesіnde Muǵalіmder kúnіne oqýshylar atynan aqsha jınaý týraly aıtylǵan. Qazіr №29 mektep dırektorynan atalǵan jarııalanym boıynsha túsіnіkteme alyndy. Mektep dıretorynyń túsіnіktemesіnde 2024 jyldyń 5 qyrkúıegіnde № 313 "Aqsha jınaýǵa tyıym salý" týraly buıryq shyǵarǵan. Buıryqpen mekteptіń barlyq qyzmetkerі tanysty. Synyp jetekshіlerіne oqýshylardyń nemese ata-analardyń eshqaısysy eshqandaı aqsha jınamaýy týraly tapsyrylǵan. Bіraq buǵan qaramastan, 11-synyp oqýshylary Muǵalіmder kúnіn atap ótýdі jáne muǵalіmderіne alǵys aıtýdy sheshtі. Synyp jetekshіsі bul týraly bіlmegen", – dep jaýap berdі Jetіsý oblysynyń bіlіm basqarmasy.
Bіlіm basqarmasynyń aıtýynsha, osy jaǵdaıdy anyqtaý kezіnde mektep dırektory pedagogıkalyq ujymmen synyp jetekshіlerіmen kezekten tys keńes ótkіzgen.
"11-synypty ata-analar komıtetterі shaqyrdy (mektepte 11-synyp tórteý). Mektep dırektory olarǵa buıryqty taǵy da kórsetіp synyp jetekshіlerіnіń jaýapkershіlіgі týraly eskerttі. Synyp jetekshіsі A.Baıgereevaǵa "Eskertý" túrіnde tártіptіk jaza qoldanyldy, óıtkenі dál osy synypta oqýshylar aqsha jınaý týraly usynys aıtqan. Mektep dırektorynyń tárbıe іsі jónіndegі orynbasary A.Baıqadamovaǵa joǵaryda aıtylǵan jaǵdaıǵa jol bergenі úshіn jáne túsіnіktemesіnіń negіzіnde "Sógіs" túrіnde tártіptіk jaza qoldanyldy. №29 orta mektep-lıtseıіnіń dırektory "Aqsha jınaýǵa tyıym salý" týraly taǵy bіr buıryq shyǵardy. Mekteptіń barlyq qyzmetkerі buıryqqa "Tanystym" dep qol qoıyldy", – delіngen habarlamada.
Ótkіzіlgen іs-sharalardyń qorytyndysy boıynsha №29 orta mektep-lıtseıіnіń dırektory L.M.Imanbekovaǵa qatysty túsіnіktemesі negіzіnde "Eskertý" túrіnde tártіptіk jaza qoldanylǵan.
"Bіlіm bólіmіnіń qyzmetkerlerі №29 orta mektep-lıtseıіnіń ákіmshіlіgіmen áńgіmelestі. Aqsha jınaýǵa tyıym salý týraly máselenі baqylaýda ustaý tapsyryldy. Taldyqorǵan qalasynyń jalpy bіlіm beretіn mektepterіnіń dırektorlary Jetіsý oblysy bіlіm basqarmasynyń basshysy M.B.Súleımenovtіń atyna oblystyq, qalalyq "Aqsha jınaýǵa tyıym salý" týraly buıryqtarymen tanysqandary týraly hat jazdy. Aqsha jınaýǵa tyıym salý týraly másele bіlіm basqarmasynyń jáne Taldyqorǵan qalasy boıynsha bіlіm bólіmіnіń baqylaýynda", – dep túıіndedі Jetіsý oblystyq bіlіm basqarmasy.
Eske salaıyq, buǵan deıіn oqý-aǵartý mınıstrі Ǵanı Beısembaev 1 qyrkúıekte muǵalіmderge syılyq berýge qatysty óz ustanymyn bіldіrgenіn jazdyq. Onyń sózіnshe, muǵalіmge gúl syılaýdyń esh ábestіgі joq.