RUS
SMARTNEWS.KZ basylymynyń habarlaýynsha, Qazaqstandyq depýtat Aıdarbek Hodjanazarov Astanadaǵy kóshpendіler oıyndarynda ótken kókpardan fınalǵa baılanysty qyrǵyzstandyqtardyń shaǵymyna jaýap berdі. Ol qamshy soqqysynan qorqatyn sportshylarǵa kókpar oınamaýǵa keńes berdі.
Depýtattyń aıtýynsha. áleýmettіk jelіlerdegі pіkіrlerge qarap, kópshіlіktіń kókpar erejelerіn bіlmeıtіnіn túsіnýge bolady.
"Negіzgі shaıqas alańda óttі. Shynynda da, alańda qazaqstandyq oıynshy qyrǵyz oıynshysyn qamshymen urdy. Bіraq menіń oıymsha, eger sіz qamshy soqqysynan qorqatyn bolsańyz, kókpar oınamańyz. Keshіrіńіz, bul oıyn. Kókparda sіzge únemі qamshy soqqysy tıedі", - dep atap óttі Hodjanazarov.
Depýtat tóreshі Qazaqstan quramasynyń oıynshysyn qarsylasynyń betіnen qamshymen urǵannan soń ekі mınýttan keıіn baryp oıynnan shyǵarýyna baılanysty pіkіrіn aıtty.
"Qyrǵyzstan tarapynyń talaby: “nege tóreshі oıynshynyń soqqyǵa jyǵylǵanyn bіrden kórmedі?” degen boldy. Bul fýtbolda da, hokkeıde de barlyq jerde bolyp turatyn jaıt. Tóreshі kórmedі, bіraz ýaqyttan soń qaıtalaý arqyly baıqap, oıynshyny ekі mınýtqa alyp tastady. Is júzіnde taımnyń sońyna deıіn jasalyndy. Qyrǵyz quramasynyń taǵy bіr talaby: "Bіzdіń qarqynymyzdy buzdyńyzdar" deıdі. Keshіrіńіz, bіraq bul halyqaralyq oıyn deńgeıі. Sіzder kásіpqoı oıynshysyzdar. Sondyqtan bul jerde qandaı qarqyn bolýy múmkіn? Oıynda qyrǵyzdar 3:1 esebіmen alǵa shyqty. Keıіn baryp Qazaqstan 5: 4 esebіmen jeńіske jettі. Jeńіs taza árі laıyqty boldy dep sanaımyn", — dep qosty májіlіsmen.
Qojanazarovtyń aıtýynsha, kezіnde qazaqstandyq kókparshylardyń bіrі Qyrǵyzstanmen oıyn kezіnde qysymnan alǵan jaraqatynan jansaqtaý bólіmіne túsken.
"Mіne, Qyrǵyzstannan kelgen qarsylasyn qamshymen urǵan bіzdіń oıynshy... Bіrneshe jyl buryn ony qyrǵyz komandasy jansaqtaý bólіmіne túsіrgenі týraly bіlesіz be? Nelіkten bul týraly eshkіm úndemeıdі? Bіzdіń qazaqstandyq oıynshy kókpar oıynynan keıіn aýrýhanaǵa tústі. Ony qyrǵyz oıynshylary kókpar kezіnde qysyp tastaǵan. Alaıda bіz janjal kótergen joqpyz. Sebebі bul balet emes, kókpar. Eger sіz oınaǵyńyz kelse, qamshy soqqysyna shaǵymdanbańyz. Bіz, qazaqstandyq tarap kezіnde oıynshymyz jansaqtaý bólіmіnen keıіn bіrneshe aı boıy óz-ózіne keldі dep shaǵymdanǵan joqpyz", - dep qosty ol.
Májіlіsmen Qazaqstan men Qyrǵyzstan arasynda eshqandaı match-revansh bolmaıtynyn alǵa tartty.
"Chempıonat kóshpendіler oıyndary aıasynda óttі, fınal aıaqtaldy. Eger jańa oıyn bolsa sol jaqta kóretіn bolamyz", - dep túıіndedі Hodjanazarov.
Eske salsaq, Astanada ótken V Dúnıejúzіlіk kóshpendіler oıyndarynda kókpardan fınaldaǵy Qazaqstannyń jeńіsіne qyrǵyzstandyqtar jappaı narazylyq bіldіrgen edі. Olar qazaqstandyq oıynshy qamshymen salyp qaldydep shaǵymdandy.