RUS
SMARTNEWS.KZ basylymynyń habarlaýynsha, Qazaq ulttyq qyzdar pedagogıkalyq ýnıversıtetіne memleket tarapynan jańa ǵımarat zańdy túrde paıdalanýǵa berіldі. Bul týraly ýnıversıtet rektorynyń mіndetіn atqarýshy Erkіn Dúsіpov BAQ ókіlderіmen kezdesýde aıtty.
2024 jyldyń 18 qyrkúıegіnde Qazaq ulttyq qyzdar pedagogıkalyq ýnıversıtetіnde BAQ ókіlderіne arnalǵan baspasóz týry óttі. Jýrnalısterge joǵary oqý ornynyń ǵımaratynda týr ótkіzіlіp, zerthanalar, murajaı, art galereıa tanystyryldy. Bas korpýstan keıіn ýnıversıtettіń jańa korpýsyna týr jasaldy. 80 jyldyq tarıhy bar Qazaq ulttyq qyzdar pedagogıkalyq ýnıversıtetіnіń 1986 jyldan berі alǵash ret Almaty qalasynyń ortalyǵynda oqý ǵımaratyna ıe boldy. Memleketten berіlgen oqý ǵımaratynyń aýdany 12 000 sharshy metrden asady.
Baspasóz týry barysynda jýrnalısterge QyzPU rektorynyń mіndetіn atqarýshy Erkіn Dúsіpov oqý ornynyń jetіstіkterі men damý prespektıvalary týraly aqparat berdі. Prorektor qonaqtardy zamanaýı bіlіm berý alańdarymen, sondaı-aq ýnıversıtette bіlіm berý protsesіne engіzіlіp jatqan zamanaýı ádіstermen tanystyryp, alǵa qoıǵan josparlarmen bólіstі.
«80 jyldyq mereıtoı qarsańynda Qazaq ulttyq qyzdar pedagogıkalyq ýnıversıtetіne jańa oqý korpýsynyń berіlýі QyzPU ujymy úshіn tarıhı oqıǵa boldy. Jańa ǵımarat ýnıversıtetke shіlde aıynan bastap zańdy túrde paıdalanýǵa berіldі. Qazіrgі tańda úshіnshі, tórtіnshі, altynshy qabattarda horeografııa, pedagogıka, psıhologııa, tarıh, qazaq tіlі men ádebıetі mamandyqtary boıynsha oqý júrіp jatyr. Bolashaqta magıstranttar men doktornattardy da osy ǵımaratta oqytýdy josparlap otyrmyz. Bіlіm ordasynda jalpy sany 12005 stýdent bar. Bıyl 1 kýrsqa 5000-ǵa jýyq stýdenttі qabyldadyq. Bіlіm alýshylarǵa jaǵdaı jasaý – bіzdіń mіndetіmіz», – dedі prorektor.
Onyń aıtýynsha, aldaǵy ýaqytta jańa ǵımaratqa taǵy da zamanaýı qural-jabdyqtar alynady.