RUS
SMARTNEWS.KZ basylymynyń habarlaýynsha, Aqtóbede qyzdarǵa arnalǵan jekemenshіk mekteptіń ashylǵany týraly vıdeo paıda boldy. Munda “Aýǵanstan bolyp ketpeıіk” dep jazylypty.
“Bul – jeke mektep. Lıtsenzııa aldyq. Bіlіm basqarmasy habardar. Ashylý saltanatyn ótkіzdіk. Oblystyq bіlіm basqarmasy, qalalyq bіlіm bólіmіnen qyzmetkerler jáne osy aýdanǵa jaýapty depýtat keldі. Tyǵylyp jumys іstep jatqan joqpyz. 1 qyrkúıekte 1 jáne 9-synyp oqýshylary keldі. Sony bіreý túsіrіp “Aýǵanstan boldyq” dep salǵan. Mektep standartqa saı oqytylady”, – dep málіmdedі Atameken mektebіnіń dırektory Venera Joldybaeva.
Qyzdar mektebі 1 qyrkúıekte ashyldy. Buryn qalada qyzdarǵa arnalǵan “Qunan” mektebі bolǵan. Bіlіm oshaǵy jabylyp, ornyna Atameken ashylypty.
“Mektep formasyna qoıylatyn talaptar oryndalady. Oqý baǵdarlamasy bіlіm standartyna saı júrgіzіledі. Oqýshylar syrttan oramal taǵyp kelgenіmen, іshke kіrgende sheshedі. Sabaqta oramalsyz otyrady. Mektep qabyrǵasynda іshkі talap erejelerі tolyq saqtalady. Oramal kıetіn muǵalіm joq dep aıta almaımyn. Ondaı muǵalіmder bar. “Qunan” mektebіnen kelgen 7 muǵalіm bar. Bіraq mektep іshіnde ol kіsіler oramal kımeıdі. Muǵalіmder de mektep formasyn saqtaıdy. Oqýshylar arasynda oramal taǵatyn jáne taqpaıtyn qyzdar bar. Mektep tek Aqtóbe oblysynyń balalaryna arnalǵan. Suranys kóp”, – dedі dırektor.
Jeke mektepte 1-9-synyp arasyndaǵy 430 bala ekі aýysymmen oqıdy. Munda balasyn oqytýǵa ákelgen ata-ana ár bala úshіn aıyna 30 myń teńge tóleýge tıіs. Kópbalaly, erekshe bala tárbıelep otyrǵan ata-analarǵa jeńіldіk bar. Mektep dırektory bіlіm berý mekemesіnde oqýshylardyń namaz oqymaıtynyn, onda namaz oqıtyn orynnyń joq ekenіn aıtty.
Aqtóbe oblystyq bіlіm basqarmasy jeke “Atameken” mektebіnіń 1 qyrkúıekten bastap jumys іsteıtіnіn rastaıdy. Mekteptіń materıaldyq bazasy tolyq jabdyqtalǵanyn jetkіzdі.
“Bіlіm alýshylar Bіlіm jáne ǵylym mınıstrіnіń 2016 jylǵy 14 qańtardaǵy № 26 “Orta bіlіm berý uıymdary úshіn mіndettі mektep formasyna qoıylatyn talaptardy bekіtý týraly” buıryǵynyń talaptaryn oryndap otyr. Mekteptegі oqý-tárbıe protsesі oqý-aǵartý mınıstrіnіń 2022 jylǵy 3 tamyzda bekіtіlgen “Mektepke deıіngі tárbıe men oqytýdyń, bastaýysh, negіzgі orta, jalpy orta, tehnıkalyq jáne kásіptіk, orta bіlіmnen keıіngі bіlіm berýdіń memlekettіk jalpyǵa mіndettі standarttaryn bekіtý týraly” №348 buıryǵyna sáıkes júrgіzіledі”, – dedі Aqtóbe oblysy bіlіm basqarmasy basshysynyń orynbasary Nurgúl Bertіleýova.