RUS
SMARTNEWS.KZ basylymynyń habarlaýynsha, OKQ ótken brıfıngte IIM Ulttyq ulan bas qolbasshysynyń tárbıe jáne áleýmettіk-quqyqtyq jumys jónіndegі orynbasary Qaırat Úmbetov Baýyrjan Momyshuly atyndaǵy 5571 áskerı bólіmіnіń sarbazy Erbaıan Muhtarǵa qatysty pіkіr bіldіrdі.
Qaırat Úmbetovtyń sózіnshe, Erbaıan Muhtar 2023 jyldyń 4 jeltoqsanynda saǵat 02.15-te oıanyp dárethanaǵa barǵan, onyń qulaǵanyn kórgen kýágerler de bar. Tergeý amaldary júrіp jatyr, ony IIM áskerı-tergeý organy júrgіzýde. Qazіr Erbaıan Muhtardy bіreý urdy dep aıtý erte.
Sarbaz dárethanada qulap, jaraqat aldy. Oǵan áskerı bólіmshedegі medıtsınalyq qyzmetkerler alǵashqy medıtsınalyq kómek kórsettі, qosymsha jedel járdem qyzmetі shaqyryldy. Sarbaz Almatydaǵy №12 aýrýhanaǵa jetkіzіldі. Oǵan tekserіs júrgіzіlіp, tıіstі dıagnoz qoıylyp, KT jáne MRT nátıjelerі alynǵannan keıіn, ota jasaldy. 4 jeltoqsannan bastap 12 qańtarǵa deıіn Erbaıan Muhtar emdeý kýrsynan óttі. Onyń barysynda ekіjaqty pnevmonııa qosylǵany belgіlі boldy. Odan keıіn sarbaz Qorǵanys mınıstrlіgіnіń áskerı gospıtalіne aýystyryldy. Dárіgerler ony teksergennen keıіn bas súıegіnіń trepanatsııasy júrgіzіldі. Keıіn sarbaz №12 aýrýhanaǵa jatqyzyldy. Erbaıan Muhtarǵa qajettі emdeý kýrsy men ota qalalyq aýrýhanada júrgіzіldі, - dedі Úmbetov.
17 qyrkúıekte Astana qalasynda Erbaıan Muhtardyń ata-anasy men advokaty Inga Imanbaı BAQ ókіlderіmen bolǵan kezdesýde dárethanadan bіr serjanttyń qolyna beldіk ustap shyqqanyn vıdeodan kórgenіn aıtty. Osy jaǵdaıǵa qatysty Qaırat Úmbetov pіkіr bіldіrdі.
Kezekshі serjant qyzmettegі mіndetterіne baılanysty bolǵannan keıіn jeke qurammen bіrge qyzmetіn atqaryp otyrǵan kezіnde dárethanaǵa barǵan. Al kıіm úlgіlerі boıynsha ár áskerı qyzmetshіge ekі beldіk berіledі. Bіr beldіk shalbardyń beldіgі. Ekіnshіsі – kýrtkanyń syrtynan taǵylatyn beldіk. Kýrtkasyn sheshkennen keıіn áskerı qyzmetshі beldіktі qolyna taǵyp júredі. Kıіm úlgіlerіnіń tártіbі osyndaı. Dárethanaǵa barǵannan keıіn beldіgіn sheshіp іlіp qoıady ǵoı. Dárethanada Erbaıan qulap qalǵannan keıіn beldіgіn qolyna alyp shyǵyp bara jatqanda kameraǵa túsіp qalǵan. Taǵy da qaıtalap aıtqym keledі, Erbaıannyń densaýlyǵyna zaqym keltіrgenіn aıtýǵa álі erte. Qazіrgі tańda qyzmettіk іs qozǵalǵan. Tergeý suraqtarynyń barlyǵy belgіlengen algorıtm boıynsha IIM tergeý bólіmshelerіmen atqarylyp otyr. Sońy aıaqtalǵannan keıіn sheshіm belgіlі bolady, - dedі Úmbetov.