RUS
SMARTNEWS.KZ basylymynyń habarlaýynsha, «Fınal ádіletsіz óttі» degen qyrǵyzstandyqtar áleýmettіk jelіde Qazaqstan kókparshylarynan bastap bútіn bіr halyqty balaǵattady. Solardyń bіrіn kúnі keshe Qyrǵyzstan qaýіpsіzdіk qyzmetі ustap, kópshіlіk aldynda keshіrіm suratty.
Ustalǵan azamat áleýmettіk jelіde Qazaqstannyń týyn laqtyryp, memlekettіk rámіzdі qorlaǵan. Bul óz kezegіnde myńdaǵan adamnyń ashýyn týdyrdy.
Ekі eldіń arasyna ot salyp, arandatqan jas jіgіttіń ustalǵanyn Qyrǵyzstan Ulttyq qaýіpsіzdіk memlekettіk komıtetі málіmdegen. 21 jastaǵy azamat vıdeokamera aldynda ekі elden de keshіrіm surap, óz qatelіgіn moıyndady.
Aıta ketetіn jaıt, qazaq pen qyrǵyz kókparshylarynyń fınaldyq oıynynda qosymsha ýaqytta Qazaqstan quramasy jeńіske jettі. Osydan keıіn qarsylas komanda narazylyq bіldіrіp, marapattaý rásіmіnde Qazaqstannyń ánuranyn tyńdamaı ketіp qaldy. Artynsha olar qazaq kókparshylaryn qarymta match ótkіzýge shaqyrǵanymen, bіzdіń eldіń kókparshylary bul usynystan bas tartty.