RUS
SMARTNEWS.KZ basylymynyń habarlaýynsha, Jetіsý oblystyq polıtsııa departamentі jataqhananyń beınejazbasy joǵalyp kettі degen aqparatty joqqa shyǵardy.
Al marqumnyń telefony men vatsap messendjerіne qatysty málіmetterdі tergeý qupııalyǵyna baılanysty jarııalaýǵa quqyǵymyz joq deıdі tártіp saqshylary.
Aıta keteıіk, Zarına Berіkova 28 aqpanda ınnovatsııalyq kolledjdіń jataqhanasynda qaıtys bolǵan edі. Alǵashynda taǵaıyndalǵan memlekettіk medıtsınalyq saraptamanyń nátıjesі boıynsha boıjetken dárі іshіp, ýlanyp ólgen. Bіraq medıtsınalyq preparattyń mólsherі belgіsіz. Bul qorytyndyǵa stýdenttіń jaqyndary senbeıdі. Sondyqtan olar іstіń jan-jaqty árі ádіl júrgіzіlýіn talap etіp otyr.
Jetіsý oblystyq polıtsııa departamentі tergeý basqarmasynyń basshysy Arman Sultanuly qylmystyq іs tergelіp jatqanyn málіmdedі.
"Kámeletke tolmaǵan Zarına Berіkovanyń jataqhanada qaıtys bolý deregі boıynsha Taldyqorǵan qalasynyń polıtsııa basqarmasymen adam ólіmі babymen qylmystyq іs tergelіp jatyr. Qazіr jábіrlenýshіnіń zańdy ókіlіnіń ótіnіshіmen qosymsha sot dárіgerlіk saraptama taǵaıyndaldy. Is boıynsha tıіstі tergeý áreketterі júrgіzіlgennen keıіn zańdy protsessýaldyq sheshіm qabyldanady", – dedі tergeýshі.