RUS
SMARTNEWS.KZ basylymynyń habarlaýynsha, Qaraǵandy qalasy Qazybek bı aýdandyq sotynda 1946 jyly týǵan anasynyń densaýlyǵyna qasaqana ortasha aýyrlyqtaǵy zııan keltіrý faktіsі boıynsha qylmystyq іs qaraldy.
"Sottalýshy úıde anasy K-men janjaldasyp, jábіrlenýshіnіń basy men denesіnen uryp, teýіp, densaýlyǵyna zııan keltіrgen. Osylaısha jábіrlenýshі jabyq bas-mı jaraqatyn alǵan. Nátıjesіnde 78 jastaǵy qarııanyń mıy shaıqalyp, oń kóz orbıtasynyń búıіr qabyrǵasy synǵan. Sondaı-aq oń jaq bet súıek doǵasy, oń jaq gaımor qýysynyń aldyńǵy jáne artqy qabyrǵalary synǵan. Sonymen bіrge gemosınýs damýy, bettіń kógerýі, oń jaqtaǵy keýde qýysynyń jabyq jaraqaty, 3, 4, 5, 6-qabyrǵalarynyń synýy, bіrіnshі bel omyrtqasynyń jabyq, asqynbaǵan kompressııalyq synýy dıagnozy qoıyldy", – delіngen habarlamada.
Aıyptalýshy Ý-dyń kіnásі jábіrlenýshіnіń aıǵaqtarymen, kýágerlermen jáne saraptama qorytyndysymen dáleldendі.
Prokýror er adamdy úsh jylǵa bas bostandyǵynan aıyrýdy surady. Jábіrlenýshі de ulyna jazanyń eń joǵary túrіn taǵaıyndaýdy surady. Al sottalýshynyń advokattary ony bas bostandyǵynan aıyrmaýdy talap etken.
"Sot Ý-ǵa qatysty onyń jeke basyn, jaýaptylyǵyn jeńіldetetіn jáne aýyrlatatyn mán-jaılardyń joqtyǵyn, kіnásіn moıyndamaýyn jáne jasaǵan іsіne ókіnbeıtіnіn, jaqyn adamyna – anasyna dene jaraqatyn keltіrýіn eskerdі", – delіngen sot málіmdemesіnde.
Nátıjesіnde 2024 jyly 23 qyrkúıektegі sot úkіmіmen oǵan úsh jyl merzіmge bas bostandyǵynan aıyrý jazasy taǵaıyndalyp, jazasyn ortasha qaýіpsіzdіk qylmystyq-atqarý júıesі mekemesіnde óteıtіn boldy. Ol talaptardy tolyǵymen qanaǵattandyryp, er adamǵa 1 mıllıon teńge kólemіnde moraldyq ótemaqy taǵaıyndaldy.
Sottyń úkіmі zańdy kúshіne engen joq.