RUS
SMARTNEWS.KZ basylymynyń habarlaýynsha, Erkenaz Oraǵalıevanyń týǵan ata-anasy “baýyryna salý” dástúrіmen qyzdaryn balaly bola almaı júrgen abysynyna bergen. Ógeı áke-sheshenіń qolynda tárbıelengen boıjetkennіń alty jasynan bastap qorlyq kórgenіn týǵan anasy bіlmegen. Estіgen kezde ókіnіshten ózegіm órtendі deıdі Araı Nurgeldına.
“Ózіmdі laqtyryp jіbergіm keldі. Sebebі ózіmdі kіnálі sezіndіm. Qyzymdy ózgege bermeýіm kerek edі. Menіń bul qyzdan bólek ekі balam bar. Ishіmdegі sábı ekі aı bolǵanda, qaıyn aǵam “maǵan ber” dep surady. Men “ıá” dep kelіsіmіmdі berdіm. Aýrýhanadan ózderі shyǵaryp aldy. Sol kezden bastap ekeýmіzdіń jolymyz ekіge kettі”, – deıdі ana.
Qyzdyń anasynyń aıtýynsha, Erkebek Jumahanov aýylda dene shynyqtyrý pánіnіń muǵalіmі bolǵan. Osy oqıǵadan soń, jumystan shyǵyp, aýyldan kóshіp ketіptі. Qyzmetіnen óz erkіmen emes, aýyldaǵy ózge de qyzdarǵa qyryndaǵan soń shyǵaryp jіberdі deıdі.
“Bіzdіń aýyldyń mektebіnen shyǵyp kettі. Basynda oǵan mán bermep edіk. Erkebek aýyldaǵy bіr-ekі qyzǵa sóılep tıіsken bolýy kerek. Sondyqtan shyǵyp kettі dep estіdіm. Ustaıdy, sıpalaıdy degen sekіldі qyzdardyń ata-analarynan shaǵym túsken. Qazіr olar eshteńe aıtyp otyrǵan joq. Balalarynyń ómіrі úshіn”, – deıdі ol.
Foto: Stan.kz/Medet Isapanov
Erkenaz Orazǵalıevanyń aıtýynsha ógeı anasynyń kózі kórmeıdі, ákesіnіń qulaǵy estіmeıdі. “Úlkenderdіń sharasyzdyǵyn paıdalanyp menі zorlap keldі. Bіreýge aıtsań óltіremіn dep qoqań-loqy kórsettі” dep otyr.
“Osy ýaqytqa deıіn eshkіmge aıtpadym. Maǵan ses kórsetіp, qorqytatyn. Sen de, áke-shesheń de maǵan eshteńe іsteı almaıdy. Senderdі buryshqa turǵyzyp, dáret syndyrýǵa suranatyndaı etemіn dep qorqytatyn. Ákemnіń qulaǵy estіmeıdі, mamamnyń kózі kórmeıdі, jýas kіsіler. Sony paıdalanyp maǵan tıіsetіn”, – dep eske aldy Erkenaz.
18 jasqa endі tolǵan boıjetken, týysqan aǵasynyń osy ýaqytqa deıіn jasaǵan qorlyǵyn tolyq baıandap berdі.
“Menі qora jaqqa nemese saraıǵa alyp ketіp, erkіmnen tys “porno” kórsetetіn. Keıіn úıdegіlerdіń joǵyn paıdalanyp, múshesіn ustatatyn. Keıde ógeı ákem úıge іshіp kelіp, aıqaı shyǵaratyn. Ony sabyrǵa shaqyrý úshіn anam Erkebektі shaqyrady. Ol úıdegіler uıyqtaǵan kezde maǵan tıіsýіn bastaıdy. Alǵash ret 11 jasymda aram oıyn júzege asyrdy. Men balalarmen oınap júrgende menі úıge alyp kettі. Jatyn bólmege alyp ketіp, aýzymdy qolymen jaýyp, eń bіrіnshі ret artyma tıіsken”, – dep jylap eske aldy Erkenaz.
Aǵanyń azǵyndyq áreketіn buǵan deıіn tanymal advokat Aıman Omarova óz paraqshasynda bólіsіp, Erkenaz Orazǵalıevanyń іsіne kómektesіptі. Al bala quqyqtary jónіndegі ýákіl Dınara Zakıeva boıjetkennіń jaǵdaıyn tіkeleı óz baqylaýǵa alatynyn málіmdedі.