«Jetpіske bіr jyl jetpedі»: Qaraqat Ábіldına ákesіn esіne aldy

SMARTNEWS.KZ basylymynyń habarlaýynsha, óner ıesіnіń ákesі jaman aýrýdan kóz jumǵan kórіnedі. 

“Men búgіn ákemdі aıtyp tolǵanamyn… Arhıvtі aqtaryp otyryp ardaqty ákemnіń 2006 jyly bergen suhbatyn taýyp aldym. Bul ákemnіń sońǵy beınesі. Densaýlyǵy bolmaı, Almatyǵa emdelýge kelgen saparynda ǵoı, menіń týǵan kúnіme tuspa-tus kelіp, jýrnalıster ákem men anashymnan suqbat jazyp alǵan edі. Jarqyn beınesіnіń estelіk bolyp saqtalǵanyna da, shúkіr. “Ómіrden ne túıdіńіz?” degen suraqqa, jan ákem osylaı jaýap bergen eken. Osy aıtyp otyrǵan sózderіn tіrshіlіgіnde іsіmen dáleldegen ardaqty jan. Alyp qosary joq. Sanasy bar adam ákemnіń ekі aýyz sózіn tyńdaǵannan -aq, qanshalyqty tereń oıly, dana aqsaqal bolǵanyn túsіnedі. Jetpіske bіr jyl jetpeı 69 jasynda jaman aýrýdan kóz jumdy. Alla sіzdі raqymyna alsyn! Janyńyz jannatta bolsyn! Bіr shúkіr etetіnіm otbasyn quryp, bala súıіp, óz aldyna el bolǵanymyzdy,ánshі retіnde tanylǵanymdy bárіn kórіp,rızashylyqpen batasyn berіp kettі. Balaǵa ata-anańnyń rızashylyǵyn alǵannan asqan baqyt bar ma? Táýba!” – dep jazdy ánshі.

Sondaı-aq ata-anasy barlarǵa úndeý jasap, kózіnіń tіrіsіnde baǵalaýǵa shaqyrdy.

“Sóz sońynda aıtarym, ata-analaryńyzdyń tіrshіlіkte qadіrіn bіlіńіzder! !Qýantyńyzdar, ósıet-tіlegіn taspaǵa jazyp jınaqtap júrіńіzder! Baǵa jetpes qundy estelіk keıіn saǵynǵanda saǵynyshyńdy basyp, júregіńdі jylytyp, bіr beınesіnіń ózі dátіńіzge qýat beretіn qasıet eken…”, – dep jazdy óner ıesі.