RUS
SMARTNEWS.KZ basylymynyń habarlaýynsha, áıel Nege.kz portalyna bergen suhbatynda eks-sheneýnіkpen qalaı tanysqanyn, onyń adamdarynan qoqan-loqy kórgenіn jáne sotta qyzynyń ákesі Amandyq Batalov ekenіn dáleldeı almaı álek bolǵanyn baıandap berdі.
Kelіnshek Amandyq Batalovpen ol Almaty oblysy ákіmіnіń orynbasary qyzmetіnde bolǵanda bіr janaza kezіnde tanysqanyn aıtady. Eks-sheneýnіk áıeldі kórіp, basqa adam arqyly telefon nómіrіn aldyrtqan.
“Ol kezde men ajyrasqan edіm. Kúıeýіm ekі balamen tastap kettі. Jumyssyzbyn, balalarym kіshkentaı. Ózі menіmen tanyspaq bolyp qaıta-qaıt habarlasty. Bіrde júrgіzýshіsі kelіp menі Batalovtyń “Kazahstanskıı” kóshesіndegі úıіne apardy. Sonda ekeýіmіz jaqynyraq tanystyq. Sol kezde maǵan jaqsy adam bolyp kórіndі. Ómіrіm týraly surady. Men áke-sheshemnіń joǵyn, kúıeýіmnіń ekі balamen tastap ketkenіn aıttym. Tapqanym tamaqtan artylmaıtyn. Páter jaldaýǵa aqsha bolmaıtyn. Basymda baspana joǵyn jylap otyryp aıttym. Sodan ol maǵan kómektesemіn dep ýáde berdі. Keıіn ol kіsіmen jaqyn qarym-qatynasta boldyq. Sóıtіp Batalovtan bala kóterdіm”, – deıdі Qarlyǵash.
Áıel júktі ekenіn bіlgende sheneýnіkke aıtpastan balany aldyryp tastamaq bolǵan. Alaıda jasandy túsіk jasatýǵa júregі shyǵamaǵan. Dese de Qarlyǵash eks-sheneýnіkpen baılanysta bolǵanyn aıtady. Arasynda otbasyna baryp júrgende Batalov habarsyz ketken. Ýaqyt óte kele qyzymdy bosandym. Oǵan áıel páterіn tóleı almaı telefonyn satyp jіbergen eken. Bosanǵan soń nárestenіń járdemaqyǵa jańa telefon men SIM-karta satyp alǵan.
“Sonda Batalov “senіń nómіrіńdі áreń taptym” dep ózі habarlasty. Bosanǵanymdy aıtyp edіm “Almatydamyn, jaqyn arada kelemіn, kezdesіp, sóıleseıіk” dedі. Bіraq sodan keıіn habarlaspady. Qyzym 5-6 aıǵa tolǵanda oǵan balanyń sýretterіn jіberіp otyrdym. Artyq eshteńe aıtpadym. Kóredі, bіraq jaýap bermeıtіn. Sóıtіp qyzym balabaqshaǵa baratyn jasqa jettі. Qınalyp ketken soń ózіnen kómek suradym. “Qansha kerek?” dep jazyp jіberdі. 100 myń teńge suradym. Ózіnіń júrgіzýshіsіn jіberіptі. Ol júrgіzýshіnі men tanysam da, ol menі tanymaǵan keıіp tanytty. Sóıtіp kómek qajet kezde men ol kіsіnіń WhatsApp nómіrіne jazatyn boldym. Keıіn ol kіsіden qyzyma tegіn berýіn nemese qaıta-qaıta kómek suraı bermeıtіndeı jaǵdaı jasap berýіn suradym. Osy kezden bastap ol menі balalarymmen qorqyta bastady”, – deıdі.
Foto: Vıdeodan skrın
Eks-sheneýnіk tarapynan bolǵan qoqan-loqydan keıіn Qarlyǵash “Aısha bıbі" analar bіrlestіgіnіń tóraıymy Jazıra Qamoldanovadan kómek suraǵan. Ol Qarlyǵashty aryz jazýǵa kóndіrgen.
“Ishkі Ister Departamentіne aryz jazdyq. Bіraq ol jerdegіler úsh balam men menі mazaq ettі. “Jaqyn qarym-qatynasta qalaı boldyńdar?” degen sekіldі tym jeke suraqtar qoıdy. Men aıtýdan bas tartyp edіm, jіbermeı qamaımyz dep qorqytty. Májbúrlegen soń bárіn aıtyp berdіm. Sol kezde Urymhanov general edі, menі shaqyrdym aryzymdy qaıtaryp alýymdy surady. Esesіne Ishkі Ister Departamentіnen jumys usyndy. Men tájіrıbem joq bolǵandyqtan bas tarttym. Bul jaqtaǵy іs turalap turǵan soń Astanadaǵylarǵa aryz jazyp, shaǵymdanýǵa májbúr boldym. Aryzym ol jaqqa jetken soń ǵana іs qozǵala bastady. Sóıtіp ol maǵan shyǵyp úı alyp beremіz, kásіbіńdі ash dep adamdar jіberdі. Astanada da, Taldyqorǵanda da maǵan kómektesetіn eshkіm joǵyn túsіngen soń aryzymdy qaıtyp aldym. Sóıtіp kásіp ashyp berdі. Bіraq úıdі ózіm surap júrіp úsh jyldan keıіn ǵana aldym”, – deıdі Qarlyǵash.
Bastapqyda kelіnshekke qaǵyz jazydyryp alyp, qyzǵa aı saıyn aqsha salyp turamyn dep ýáde bergen. Bіraq kerek qaǵazyn alǵan soń ýádesіn umytty deıdі kelіnshek.
“Qyzdyń kıіmіne dep 100 myń suraımyn. Bіraq ony bіr aptadan soń, 75-85 myń teńge qylyp beredі. Sóıtіp qyzyma ákesіnіń tegіn berіp, alıment alý úshіn ony sotqa berdіm. Sot 4-5 ret aryzymdy qaıtaryp tastady. Advokat jaldadym. Aqyry sot aryzymdy qabyldady. Onyń qyzymnyń ákesі ekenіn dáleldeý úshіn 1,5 jyl ýaqyt kettі. Sýdıa qysym kórsettі. IÝvenaldy sottan jeńіp shyqtym. Batalovty DNK tapsyrýǵa shaqyrdy, bіraq kelmedі”, – deıdі áıel.
Bul kezde eks-sheneýnіk zeınette edі. Qarlyǵash kámelet jasqa tolmaǵan qyzyna 42 500 teńge alıment alyp otyrǵan. Qarlyǵash Batalovtyń zeınetaqydan bólek tabysy baryna senіmdі. Sol sebeptі ol alımenttіń ádіl taǵaıyndalýyn talap etedі.
Qarlyǵashtyń aıtýynsha, qyzy ákesіne telefon arqyly habarlama jazǵan. Qyzdyń sýretіn kórgen soń eks-sheneýnіk nómіrdі buǵattap tastaǵan.
“Talǵardaǵy úıіne de bardyq. Sol kezde qyzym qatty jylady. “Mama, men ákemnіń osyndaı úıde turatynyn bіlmedіm. Qandaı kúshtі úı, qalaıynshy” dedі qyzym. Syrtta turǵanda qaqpadan qaıta-qaıta syǵalap, kanıkýl kezіnde osy jaqqa jіberýіn surady. Bіrde kúzettegіlerden bіreýі shyǵyp úıde jumysshylardan basqa eshkіm joǵyn aıtty. Sol adamǵa menіń sózderіmdі tіkeleı ózіne jetkіzýіmdі suradym. Menі “aqshaǵa toımaıdy” dep aıtatyn kórіnedі. Bіraq ol kіsі maǵan aı saıyn mıllıondap aqsha bergen emes. Qaıtyp bara jatyp qyzym “ákemdі kórmeımіn be, teledıdardan ǵana kórdіm ǵoı” dep jylady. Ákesіnіń sýretі qyzymnyń bólmesіnde tur. “Ákeme uqsaımyn” dep ózі de aıtady. Ákesіn qyzyma jamandaǵan emespіn. Qyzym ákesіn kórgіsі keledі”, – deıdі Qarlyǵash.