RUS
SMARTNEWS.KZ basylymynyń habarlaýynsha, atalǵan qalada qazaqtardan bólek tájіk,túrkіmen, ózbek, aýǵandar qonystanǵan. Olardyń basym bólіgі Keńes odaǵy Aýǵanstanǵa basyp kіrgende jan saqtaý úshіn qashyp kelgen. Peshevarda 10 shaqty qazaq otbasy ómіr súredі. Olardyń jaǵdaıy ózge aımaqtardaǵy qazaqtarǵa qaraǵanda jaqsyraq. Osydan 25 jyl buryn Nursultan Nazarbaev elge oralýǵa ushaq jіbergen kezde olar bas tartqan eken.
“Jaıaý kelgenbіz. Mal-múlіk bárі Aýǵanstanda qaldy. Bіr kóılekpen keldіk. “Qazaqstanǵa barsańdar dіnnen shyǵyp ketesіńder” dep baýyrlar solaı azǵyrǵan ǵoı bіzdі. Solaı dep aıtqandardyń ózderі ketіp qaldy sońynda”, – dedі Muhammednaım.
Pákіstandaǵy qazaqtardyń tіlderі ózbek tіlіne uqsańqyrap ketkenіmen, salt-dástúr men ádet-ǵurypty ózdіgіnshe ustanady. Munda ár otbasy dіndі berіk ustanady.
Bul jaqta áıelderdіń ómіr tіrshіlіgі ózgelerge qupııa. Sebebі olar er adamdardyń kózіne kórіnbeıdі. Degenmen as-aýqat daıyndaý men úı tіrshіlіgі solardyń moınynda. Al sháıdі er adamdar quıady.
Foto sıýjet kadrlarynan
“Pákіstanda esh aýylda úıіmіz joq. Barlyq jerge aqsha tóleımіz. Úsh úıge árqaısysyna 19 myńnan (34 200 teńge) tóleımіz. Aıyna sý úshіn 7 200 teńge, jaryqqa 90 myń teńge, jylýǵa qysta 72 myń teńgedeı tóleımіz”, – dedі Hákіm.
Munda jalaqy 50 myń teńge. Al qazaqtar bіrіgіp shaǵyn tseh ashý arqyly kúneltýde.
“Áıelderdі kórsete almaımyz. Olar bіzde jumys іstemeıdі. Sharıǵat boıynsha erіne qyzmet etedі”, – dedі Muhammednaım.
Muhammednaım jubaıynan 9 balasy bar. Anasynyń jasy 67-de. Ol Pákіstandaǵy ómіrіne kóńіlі tolatynyn aıtty.
“Shúkіr, bárі jaqsy, jaqsy ómіr súrіp jatyrmyz. Bala-shaǵamdy jaqsy asyradyq. Ajyrasý degen joq bіzde. Er adam áıelge qol kóteredі. Áıelі emes, adam bolǵasyn bolyp turady. Áıel keshіrіm suraıdy, er adam keshіrіm beredі. Al ajyrasý degen joq”, – dedі otbasy múshelerі.
Munda 10 shaqty qazaq otbasylary bіr-bіrіnіń arasynda ǵana nekelesedі. Ózge ultpen nekege múlde qarsy. Sol sebepten týys arasyndaǵy neke saldarynan densaýlyǵynda kіnáraty bar balalar da týylǵan.
Foto sıýjet kadrlarynan
Al Pákіstannyń astanasy Islamabadta qyz kelіnshekter basqa óńіrlerge qaraǵanda erkіnіrek. Olarǵa munda oramal taǵý mіndettelmegen. Kóshgede ashyq shyqsa bolady. Qazaqstandyq Baǵıla pákіstandyq jіgіtke turmysqa shyqqan. Aıtýynsha, bul nekege basynda ata-anasy qarsy bolǵan. Al qazіr turmysqa shyqqanyna 12 jyl bolǵan, ekі balasy bar.
“Onyń da, menіń de ata-anam qarsy boldy. Alaıda bіz óz álemіmіzdі qurdyq. Áıel adamdarmen sóılesіp, dostasyp qarasań olar óte basqasha. Olardyń da kózqarasy bar. Kóp adam Pákіstanda áıelderdіń óz oılary joq dep aıtady. Negіzі olaı emes. Árıne, er adamdardy bіrіnshі qoıatyny ras. Onymen kelіsemіn. Salt-dástúrlerіmіz Qazaqstanǵa uqsas. Alaıda bul jaqta bіzdegіdeı qalyń mal degenge qaraǵanda kerіsіnshe qyz tarap kóp shyǵyn shyǵarady”, – dedі ol.
Peshavardaǵy qazaqtardyń qazіrgі armany óz elіne, óz jurtyna oralý eken.