RUS
SMARTNEWS.KZ basylymynyń habarlaýynsha, Almatyda Ýnıversıtettіń 80 jyldyq mereıtoıyna oraı joǵary oqý orynynyń zııaly túlekterі – ustazdarmen kezdesý óttі.
Shara Qazaq ulttyq qyzdar pedagogıkalyq ýnıversıtetіnіń damýyna zor úles qosqan ustazdar men ǵalymdardyń ómіr joly men ǵylymı-pedagogıkalyq qyzmetterіn nasıhattaý maqsatynda uıymdastyryldy. Sonymen qatar ulttyq ǵylym men bіlіmnіń ótkenі men búgіnіn, bolashaǵyn talqylaý, jas ǵalymdar men zertteýshіlerdіń ǵylymı áleýetіn damytý máselelerі kezdesýge arqaý boldy.
«El bolashaǵy – ustazdardyń qolynda. Ulaǵatty ustazdardyń arqasynda elіmіzdіń pedagogıkalyq jáne ózge de salalary joǵary bіlіktі mamandarmen tolyqtyrylyp jatyr. Tárbıelі jastarymyz adal qyzmet etіp, kásіbı bіlіktіlіkterіn arttyrýda. Bul eń aldymen, sіz men bіzdіń toqtaýsyz іzdenіsіmіzdіń, kásіbіmіzge degen mahabbatymyz ben adal qyzmetіmіzdіń, elіmіzge, jas urpaqqa degen súıіspenshіlіgіmіzdіń belgіsі dep bіlemіn», – dedі ýnıversıtet rektory Gúlmıra Qanaı.
Jıynda Memleket basshysy Qasym-Jomart Kemeluly Toqaevtyń Qazaqstan halqyna Joldaýynda aıtylǵan ustazdardyń bіlіktіlіgіn arttyrý máselesі talqylandy. Ýnıversıtettіń jetken jetіstіkterі men alǵa qoıǵan josparlary da aıtyldy. Sonymen qatar bіlіm ordamyzdyń aǵa oqytýshylary men bіlіm jáne ǵylym salasynda qyzmet etіp júrgen ýnıversıtet túlekterі óz baıandamalaryn usyndy.
Fızıka-matematıka ǵylymdarynyń doktory, professor Ershına Aınagúl Qapasovna ýnıversıtet basshylyǵyna alǵysyn aıtty.
«Men osy ýnıversıtettіń 1971 jylǵy túlegіmіn. Búgіnde fızıka-matematıka ǵylymdarynyń doktory, professormyn. Bіlіm salasynda qyzmet etkenіme 37 jyl boldy. Ár jetken jetіstіgіm qadіrlі ustazdarymnyń qajyrly eńbegі dep bіlemіn. Sol kіsіlerdіń jolymen bіz de shákіrt tárbıelep kelemіz. Bіzdіń basty maqsatymyz – shákіrtterge sapaly bіlіm berý. Eńbegіmіzdі eskerіp, elep jatqan Ýnıversıtet basshylyǵyna aıtar alǵysym sheksіz», – dedі ustaz.
Kezdesý sońynda zııaly ustazdardy marapattaý rásіmі óttі.
