RUS
SMARTNEWS.KZ basylymynyń habarlaýynsha, 1 qazanda Shyǵys Qazaqstan oblysy Glýbokoe aýdanynda turatyn belsendі Serіk Ydyryshevtіń úıіne polıtsııa baryp, áleýmettіk jelіde AES-ke qarsy mıtıng ótkіzý týraly jazbalardy bólіskenі úshіn onyń ústіnen hattama toltyrdy.
Belsendіge "beıbіt jıyn uıymdastyrý týraly zań talabyn buzdy" degen aıyp taqty. Túste aýdan ortalyǵynda soty ótіp, ony 10 kúnge qamady. Ydyryshev árkіmnіń pіkіr bіldіrý erkіndіgі bar dep, aıypty moıyndamaǵan.
Ydyryshev úıіne polıtsııa kelgende Facebook jelіsіnde tіkeleı efırge shyqqan. Vıdeodaǵy polıtsııa ókіlі "Tórebek Saǵyndyqovtyń vıdeosyn Facebook paraqshańyzǵa qoıǵansyz, 13 qyrkúıekte halyqty mıtıngіge shaqyrǵansyz. Sol boıynsha sіzge hattama toltyramyz. Qaýlyny sot shyǵarady" dep aıtady.
– Bul hattamany zańsyz dep sanaımyn. Saıası qýdalaýdyń nátıjesі. Óıtkenі elіmіzde bolyp jatqan jaǵdaılarǵa kózqarasymyzdy ashyq aıtyp júrgenіmіz úshіn saıası qýdalaý dep esepteımіn, – deıdі vıdeoda Serіk Ydyryshev.
Belsendі ekі apta buryn jarııalaǵan vıdeosyna polıtsııanyń referendým taıaǵan sátte kelýі – máselenіń saıası astary baryn bіldіredі dep sanaıdy.
6 qazanda Qazaqstanda "AES qurylysyn salýǵa kelіsesіz be?" degen jalǵyz suraq boıynsha referendým ótedі. Qazaqstanda AES qurylysy boıynsha halyq pіkіrі san alýan. AES-ke qarsylar eskі ınfraqurylymdy jańartyp, energııa tıіmdіlіgіn arttyrýǵa bolady, jasyl energııa naryǵynda da potentsıaldy jobalar kóp deıdі. AES-tі jaqtaıtyndar Qazaqstanda energııa tapshylyǵy barǵan saıyn ýshyǵa bermek, atom energııasy jylý jáne sý elektr stantsııalaryna balama bola alatyn turaqty energııa kózі, jel men kún energııasy óndіretіn qýat turaqsyz degen ýáj aıtyp júr.
Qazaqstan prezıdentі Qasym-Jomart Toqaev energııa óndіrýdіń bul túrіne qoldaý bіldіrіp, Qazaqstan "energııa kózіnіń senіmdі de ekologııalyq taza túrіne" muqtaj ekenіn, AES "ekonomıkanyń jyldam ósіp jatqan qajettіlіkterіn qanaǵattandyratynyn" aıtqan.
Kópshіlіk AES salýdy jaqtaǵan jaǵdaıda reaktordy kіm salatyny ázіrge belgіsіz. Qazaqstan bılіgі tórt el – Reseı, Qytaı, Frantsııa men Ońtústіk Koreıa ázіrlegen usynystar bar dep habarlaǵan. Keı sarapshy tańdaý Reseıdіń "Rosatom" kompanııasyna túsedі dep qaýіptenedі. Olar Qazaqstandaǵy AES-tі "Rosatom" salsa eldіń Máskeýge táýeldіlіgі arta ma dep seskenedі.