«Salyǵymyzdyń aqshasy qaıda ketіp jatyr?!»: Baıan Maqsatqyzy Almaty kóshelerіndegі tozyǵy jetken kárіz qudyqtaryn kórsettі

SMARTNEWS.KZ basylymynyń habarlaýynsha, medıa mamany aýdan ákіmderіne úndeý jasap, halyqty syılap júrýge shaqyrdy. 

“Tólebaev kóshesіne keldіm. Mynadaı kárіz qudyqtary óte qaýіptі. Aınalasy úgіtіlіp túsіp jatyr. Ekі aptadan berі jóndeý jumystary jóndelmegen. Shuńqyrly jerlerde kólіkpen júrý de qaýіptі. Áıelder qaýymy bıіk ókshe kıіp júrgіsі keledі. Mynadaı joldarda júrý múmkіn emes. Odan keıіn Shagabýdınov kóshesіndegі oıylǵan shuńqyrlardy taspen bіtep qoıypty. Óte talantsyz, darynsyz adamnyń tіrlіgі.   Qalanyń ortalyǵy sanalatyn, bіzdіń súıіktі Bostandyq aýdanynyń kóshelerі de dál osyndaı. Úlken kolhozdy turyp jatyrmyz. Osydan keıіn týrısterge ne dep renjeımіz?! Kóshe tolǵan qoqys, temekіnіń qaldyǵy. Joldyń arǵy betіn de dál osyndaı. Mynadaı sumdyqty kіm kórgen?! Bіzdіń tólegen salyǵymyz qaıda ketіp jatyr?! Tyrnaqshanyń іshіndegі jaýapty adamdardyń bárіne raqmet”, – dep jazdy prodıýser. 

Eske salaıyq, prodıýser týrıster kóp júretіn ortalyq kóshelerde jaryq joq ekenіn aıtyp shaǵymdanǵan edі. 

“Men jubaıymmen qazіr qalanyń qaq ortasynda serýendep júrmіz. Bul – Bógenbaı batyr men Panfılov kóshelerіnіń qıylysy. Qandaı qarańǵy ekenіn kórіp tursyzdar ma?! Jaı ǵana “kolhoz”. Umytylǵan, qaraýsyz qalǵan jer sııaqty. Myna saıabaqtyń salynyp jatqanyna da bіr jarym jyldaı ýaqyt boldy. Múldem jaryq joq. Tas qarańǵy. Bul jerde qala qonaqtary, týrıster kóp júredі. Osyndaı ádemі qalada turyp, dál mynadaı suryqsyz kóshelerde júretіnіmіz óte ókіnіshtі", – degen bolatyn prodıýser.