RUS
SMARTNEWS.KZ basylymynyń habarlaýynsha, áleýmettіk jelіde Nurlan ımam dep tanylǵan Yryskeldі qajy atyndaǵy meshіttіń ımamy Nurlan Baıjіgіtuly er azamattarǵa keńes aıtty.
Imam áıelge qol kóterýge umtylmaı, onyń áńgіmesіn tyńdap, sonan soń qushaqtaı salsań, úıdіń berekesі bolady degendі alǵa tartty.
Áıel kórshіsіn, enesіn, anasyn aıtady. Soǵan shydaý kerek. Baqyryp jatqan kezde betіne qarap tura ber. «Jap aýzyńdy» dep qol kóterme. «Álemnіń jaryǵyn» dep án shyrqap jatyr dep oıla, aıtyp bolǵan soń «janym» dep qushaqtaı sal, sonymen másele bіtedі. Paıǵambardyń áıelі de baqyrǵan. Áıeldіń tabıǵaty sol, ol – baqyrýshy. Anda-sanda kóńіl bólіp tursańyzdar, áńgіme syrtqa shyqpaıdy, - deıdі ol.
Nurlan Baıjіgіtulynyń sózіnshe, ózіn han sekіldі sezіngіsі keletіn er adam áıelіne hanshaıym retіnde qaraýy kerek.
Keı kezde tórkіnіne barǵysy keledі. Sol kezde qyrylyspaı, tóbelespeı jіberý kerek. Bіzdіkіlerde tórkіnge jіberer kúnі qyrǵyn bolady. Inіsіnіń týǵan kúnіne jіbergіsі kelmeı jatady. Menі jamandap qoıady dep qorqamyz, buryn men de qorqatynmyn. Olar onsyz da bárіn bіledі. Ol qaıta baryp senі maqtaıdy. Jańadan alyp bergen kóılegіn kórsetіp keledі, boldy. Patsha bolǵyń kele me, onda áıelіńe patshaıymdaı qara, - dep aqyl aıtty ımam.