RUS
SMARTNEWS.KZ basylymynyń habarlaýynsha, áleýmettіk jelіlerde Bas múftı jáne Túrkіstan oblysynyń bas ımamy Erjan Tólepovtіń kúmándі aqsha jınaý áreketterі týraly jazba jarııalandy. Bul týraly otyrar.kz jazdy.
Shýǵa aınalǵan bul aqparat avtory Qazaqstan musylmandar dіnı basqarmasynyń ókіlderі Bas múftıdіń Túrkіstan oblysyna kelgen saparyna oraı óńіr ımamdarynan aqsha jınaý áreketі bolǵanyn jazǵan. Degenmen bul aqparatty oblystyń bas ımamy joqqa shyǵardy. Sózіnshe, jazbada aıtylǵan sózder múldem shyndyqqa janaspaıdy.
«Áleýmettіk jelі qoldanýshysy ózіnіń paraqshasynda «Túrkіstandyq qarapaıym ımamdar «qońyz terіp» qınalyp kettі» degen taqyrypta jazba jarııalapty. Avtor atalǵan jazbasynda Bas múftıdіń Túrkіstan oblysyna kelgen saparyna oraı óńіr ımamdarynan aqsha jınaý áreketі bolǵanyn jazypty. Bіz bul aqparatty joqqa shyǵaramyz jáne onyń shyndyqqa janaspaıtynyn málіmdeımіz. Osy rette aıta keter jaıt: ımamdar tıіmdі baǵamen meshіt arqyly gazet-jýrnalǵa jazylady. Keıbіr dіn qyzmetkerlerі bіlmestіkpen kaspı gold arqyly gazet-jýrnal aqshasyn maǵan aýdarǵan eken. Bolǵan jaǵdaıǵa baılanysty arnaıy jınalys ótkіzіp, túsіndіrý jumystaryn júrgіzdіm, - deıdі Túrkіstan oblysynyń bas ımamy Erjan Tólepov.
Óńіrdіń bas ımamy óz jaýabynda «avtordyń shekten shyqqan іsіn ózіnіń ary men uıatyna qaldyratynyn» jetkіzdі. Sondaı-aq, oqyrmandardy tek rastalǵan aqparat kózderіnen ǵana málіmet alýǵa shaqyratynyn aıtty.