RUS
SMARTNEWS.KZ basylymynyń habarlaýynsha, Almaty oblysynda 39 jastaǵy áıel balasyn óltіrdі degen kúdіkpen ustaldy. Kórshіlerіnіń aıtýynsha, kelіnshek sal aýrýymen aýyratyn 2 jasar qyzyn soqqyǵa jyqqan. Sodan soń qylmysyn jasyrý úshіn máıіttі taldyń túbіne kómýdі usynypty. Bul týraly 31-arnanyń Informbıýro jańalyqtar baǵdarlamasy málіmdedі.
Jantúrshіgerlіk oqıǵa tańǵy saǵat 6-lar shamasynda Boraldaıda bolǵan. Kórshіlerdіń aıtýynsha, áıel osy aımaqqa 1-2 kún buryn ǵana kóshіp kelgen eken. Sol túnі 39 jastaǵy áıel balanyń ustamasy ustady dep kórshіlerіnen kómek surap barǵan kórіnedі.
“Anama túnde júgіrіp kelіptі. Bіraq endі oǵan anam ne іsteı alady? Sodan keıіn tańerteń anama taldyń qasyna kóme salaıyq dep aıtypty. Anam shoshyp qaldy, ondaıdy estіmegen. “Kóme salaıyq” degennen keıіn polıtsııa kelіp alyp kettі”, – dedі Boraldaı aýylynyń turǵyny Dıas Qanatov.
Balasyn óltіrdі dep kúdіkke іlіngen áıel jaldamaly páterlerdіń bіrіnde turǵan eken. Kóshіp kelgenіnderіne bіrer kún ǵana bolǵandyqtan, kórshіlerі jaqsy tanymaımyz dep otyr. Bіraq qaıǵyly oqıǵa bolar kúnі kúdіktі áıeldіń qyzymen kóshede serýendep júrgenіn kórgender de bar.
“Ájem olardyń qydyryp júrgenіn kórgen, bіraq qyzdyń denesі kógerіp turdy deıdі. Ol ekeýіn kúndіz kórgen bolsa kerek. Keshke onyń máıіtіn tapty. Basqa eshteńe bіlmeımіz. Úıdіń qojaıynyn bіlemіz. Osyǵan deıіn olar turǵan, al myna adamdardy tanymaımyz”, – dedі taǵy bіr boraldaılyq.
Almaty oblystyq polıtsııa departamentі bala ólіmі boıynsha qylmystyq іs qozǵaǵan. Kúdіktі ustalyp, qamaýǵa alyndy.
Qazіrgі ýaqytta qylmystyń barlyq mán-jaılaryn obektıvtі zertteýge baǵyttalǵan qajettі tergeý áreketterі júrgіzіlіp jatyr. Kúdіktіnіń taǵy bіr 10 jastaǵy qyzy bar eken.