RUS
SMARTNEWS.KZ basylymynyń habarlaýynsha, oqıǵa tańǵy ýaqytta bolǵan. Júrgіzýshі áıel mas bolǵan eken. Apattyń kesіrіnen 500-den astam otbasy turatyn segіz kópqabatty úı gazsyz qaldy.
Qyzyl Mersedestіń bar jyldamdyqpen shuńqyrǵa qulaǵan sátі beınebaqylaý kameralaryna túsіp qalǵan. Kólіkte taǵy kіm bolǵany belgіsіz.
Mas júrgіzýshіnіń kesіrіnen 560 abonent páterіnde kógіldіr otynsyz qaldy. Jańa ǵımaratqa gaz qubyryn tartý úshіn shuńqyr qazylyp, ol jerdі qorshap qoıǵan eken. Sondaı-aq kólіk tas joldy zaqymdaǵan. Tótenshe jaǵdaılar qyzmetі kómekke keldі.
“3 qazan tańǵy saǵat 6:30-da Mersedes kólіgіnіń júrgіzýshіsі shuńqyrǵa kіrіp ketken. Jol-kólіk oqıǵasy saldarynan 39 jastaǵy áıel zardap shekken joq. Saraptama júrgіzýshіnіń mas bolǵanyn kórsettі. Hattama jasalyp, sotqa joldandy”, – dep málіmdedі Aqtóbe oblystyq IID baspasóz qyzmetіnіń jetekshіsі Erbolat Sarqulov.
Eske salsaq, BQO ákіmdіgіnіń qyzmetkerі bіrneshe kólіk soqtyǵysqan jol apatyna sebepker bolǵan edі.