RUS
SMARTNEWS.KZ basylymynyń habarlaýynsha, іs boıynsha kúdіktі retіnde órtegen ALA Hostel dırektory Ádіlbek Muhamedııarov pen hostelde órt qaýіpsіzdіgі júıesіn ornatýmen aınalysqan “Gıdservıs” kompanııasynyń basshysy Aleksandr Pekelnık tanylǵan.
Tergeýshіlerdіń pіkіrіnshe, qaıǵyly oqıǵaǵa órt qaýіpsіzdіgі erejelerіn buzý sebep bolǵan, sondyqtan іs boıynsha jaýapkershіlіk Muhamedıarov pen Pekelnıkke júktelgen. Sotta ekі aıyptalýshynyń da advokattary taǵylǵan aıyptardy joqqa shyǵaratyndaryn málіmdedі.
Aıyptalýshy Aleksandr Pekelnıktіń qorǵaýshysy Karına Seıіtqojanovanyń aıtýynsha, órt qaýіpsіzdіgі júıesі 2022 jyly ornatylǵan, bul kezde qujat boıynsha ǵımarat turǵyn úı bolmaǵan. Sondyqtan qorǵaýshysy Pekelnıktіń órtke jaýapty emes ekenіn alǵa tartty. Sonymen qatar júıenі qabyldaý-tapsyrý aktіlerіne eshqashan qol qoıylmaǵan bolyp shyqty.
Zańgerdіń aıtýynsha, Pekelnık ǵımarattyń paıdalaný maqsaty ózgergenіn bіlmegen jáne júıenі ornatqannan keıіn eshqashan órt qaýіpsіzdіgіne jaýapty bolmaǵan. Qorǵaýshy sotqa deıіngі tergeý bul faktіlerdі esepke almaǵanyn alǵa tartyp, Pekelnıkke qatysty qylmystyq qýdalaýdy toqtatýdy talap etýde. Qorǵaýshynyń talabyna prokýror qarsylyq bіldіrdі.
Al aıyptalýshy Muhamedııarovtyń qorǵaýshysy órt qaýіpsіzdіgіn qamtamasyz etý jaýapkershіlіgі ǵımaratty jalǵa alýshy "Kýsa Halyk" JShS-de ekenіn alǵa tartady. Qorǵaýshynyń aıtýynsha, ǵımarat dúken retіnde jalǵa berіlgen. Muhamedııarovqa ǵımarattyń hostel retіnde paıdalanylǵany týraly habarlanbaǵan.
Sondaı-aq qorǵaýshy beınebaqylaý kameralaryndaǵy vıdeoǵa sіlteme jasaı otyryp, ǵımaratty áldekіm ádeıі órtegen bolýy múmkіn dep esepteıdі. Vıdeoda órttіń aldynda hostelge beıtanys adamnyń kіrgenі kórіnedі.
"Órt-tehnıkalyq saraptamasynyń qorytyndysyna sáıkes, órttіń shyǵýyna syrtqy órt kózі sebep bolýy múmkіn. Baqylaý kameralary órttіń aldynda ǵımaratqa beıtanys adamnyń kіrgenіn, al órt ol ǵımarattan shyqqannan keıіn kóp uzamaı bastalǵan. Bul adam 15 mınýttaı bolǵan. Ony kórgen kýágerler de bar. Ol onda turmaǵan. Jeke basyn anyqtaldy. Onyń іsі zańsyz jeke óndіrіske bólіnіp, Almaly aýdandyq ákіmshіlіgіne berіldі. Ol buryn kórshі aýdandaǵy hostelde urlyq jasaǵany úshіn sottalǵan. Bul mán-jaılardyń barlyǵy rastaldy", – dedі sottalýshynyń advokaty Asylbek Ábdіraıymov.
Qorǵaýshy іstі qaıta saralaýdy surady. Prokýror qazіrgі kezeńde іstі qysqartý týraly sheshіm qabyldaý múmkіn emestіgіn aıtyp, ótіnіshtі qanaǵattandyrýdan bas tartýdy surady.
Otyrys qorytyndysy boıynsha sýdıa negіzgі sot otyrysyn jalpy tártіp boıynsha 15 qazanǵa taǵaıyndaý týraly sheshіm qabyldady.
"Pekelnıkke qatysty ótіnіsh qanaǵattandyrylmaıdy. Ábdіraıymovtyń da, onyń іshіnde bultartpaý sharasyna qatysty ótіnіshі de qanaǵattandyrýsyz qalady", – dedі sýdıa.