RUS
SMARTNEWS.KZ basylymynyń habarlaýynsha, Talǵardaǵy úılerdіń bіrіnіń turǵyndary sumdyq oqıǵanyń kýágerі boldy.
Saýda núktesіn Bolattyń otbasy jalǵa alatyn bolǵan. Qaıǵyly túnde aýysymda úıdіń otaǵasy jumys іstegen. Týystarynyń aıtýynsha, er adam saýda núktesіne bіr quty syra іshýge kelgen, bіraq ol úshіn aqsha tólegіsі kelmegen sóıtіp urys-kerіs bastalǵan. 16 jastaǵy Sherzat pen onyń aǵasy ákesіn jaqtap, klıentten ketýіn ótіngen. Bіraq onyń ornyna janjal shyǵarǵan azamat dostaryna qońyraý shalyp, dúkenge úsh kólіk keledі.
“Ulym maǵan qońyraý shalyp, qazіr ákesі men aǵasyn uryp-soǵatynyn aıtty. Bіrden dúkenge júgіrdіm. Bіraq men jetkenshe ulym men kúıeýіmnіń aǵasyn uryp-soǵyp úlgerіptі. Kúıeýі pyshaq ustaǵan adamdy olardan alyp ketken. Ony qarýlanǵan dep qoryqqan. Bіraq ol jerdegіlerdіń barlyǵynda pyshaq, tіptі myltyq boldy. Ulymdy kóz alymda kókala qoıdaı etіp sabaǵan. Onyń qansyrap jatqanyn kórdіm”, – deıdі jіgіttіń anasy Gúlbara Bıshembıeva.
Qaıtys bolǵan jasóspіrіmnіń anasy uly men qaıyn aǵasyn uryp-soqqan soń kúdіktіlerdіń olardy pyshaqtaǵanyn aıtady. Týystary zardap shekkenderdі aýrýhanaǵa aparǵan. Bіraq ol jerde jasóspіrіm kóz jumady.
“Sherzattyń ákesі tek klıenttіń taýar úshіn aqsha tóleýіn qalaǵan. Bul durys qoı. Kelgen adam ne sebeptі olarǵa tıіsіp, tóbelesіp, bіreýlerge qońyraý shala bastady? 15-20-dan kem emes adam keldі. Olardyń arasynda úsh-tórt qyz boldy. Barlyǵy jas, bіraq ózderіn ańdar sııaqty ustady. Tіptі myltyqtary men pyshaqtary bolǵan”, – deıdі kóz jumǵan jіgіttіń taǵy bіr týysy Kúlásh Rımova.
Búgіn oqýshynyń denesі úıge jetkіzіldі. Olardyń otbasynda bes bala bolǵan deıdі. Sherzat eń úlkenі. Sondyqtan kіshіlerge úlgі bolýdy armandaǵan. 10-synypta oqyp júrgen jasóspіrіm áskerı ýchılıshcege túsýge daıyndalypty.
“Óte meıіrіmdі jáne ashyq-jarqyn bala edі. Eshqashan eshkіmmen qaqtyǵysqan emes. Barlyǵyna qurmetpen qaraıtyn. Túnde ol tóbeleskіsі kelmegenіne senіmdіmіn. Fızıkalyq turǵydan myqty bolǵan jáne kez kelgen adamǵa qarsy tura alatyn. Bіraq olardyń sany tym kóp boldy”, – deıdі týysy Baqyt Rımova.
Týystary kúdіktіler jergіlіktі turǵyndar deıdі. Olardyń barlyǵy bіr aýylda turǵan, bіraq jeke tanys bolmaǵan. Tóbeleske qatysýshylardyń bárі ustaldy.
“Kіsі óltіrý faktіsі boıynsha polıtsııa qylmystyq іs qozǵady. Oqıǵanyń barlyq qatysýshylary ustalyp, ýaqytsha ustaý ızolıatoryna qamaldy. Qylmystyq іstі tergeý oblystyq polıtsııa departamentі basshylyǵynyń erekshe baqylaýynda”, – deıdі Almaty oblysy PD bastyǵynyń orynbasary Málіk Qabdýalıev.
Tóbeleske qatysqan Sherzattyń aǵasyna úsh ret pyshaq salǵany belgіlі boldy. Qazіr er adam aýrýhanada em qabyldap jatyr.